曹永廉
From Wikipedia, the free encyclopedia
曹永廉(英文:Cho Wing Lim Raymond,1964年10月16號—),暱稱阿廉、Forever Cheap[1],喺香港出世,而家係無綫電視(TVB)電視劇演員,亦演出過電影,歌手出身。佢老婆係演員姜大衞嘅大女姜依蘭,佢哋喺2007年11月28號結婚。
曹永廉出道嗰陣係歌手,不過發展麻麻地,其後喺無綫電視參與演出電視劇,先喺1999年憑《雙面伊人(中文:雙面伊人)》飾演反派方德信而開始俾觀衆留意,再喺2000年憑演出《妙手仁心(中文:妙手仁心)II》嘅向眾仁醫生一角而人氣急升,2006年就參演咗處境喜劇《高朋滿座》。佢嘅戲份都越嚟越多,當中以《法證先鋒》嘅沈雄同《金石良緣》嘅金永來最為突出,演技備受肯定。
曹永廉曾經公開承認將佢自己嘅年齡報細5年。佢住過西貢慶徑石。2011年,《東週刊》同《東方新地》揭發佢住所嘅天台中擅自加建咗一間玻璃屋。同時佢都喺露台擅自加建咗玻璃窗。
2013年9月,曹永廉同佢阿哥仲有佢朋友合資咗七位數字喺觀塘順利紀律部隊宿舍附近開咗間「茶記冰室」。