From Wikipedia, the free encyclopedia
方位係各方向嘅位置。四方位或基本方位就係東、南、西、北,相對方位係前、後、左、右、上、下。
四方位越精密,就衍出八方位、十六方位、廿四方位同卅二方位。亦有用度數,同圓一樣分三百六十度,再下分分同秒。一般方位,可以由羅經得來。讀羅經出方位,叫羅經讀數。
喺地球嘅球面上,順著地球自轉嘅方向為之東方,逆著地球自轉嘅係西方。
日出方位並唔一定係正東方,日落方向亦唔一定係正西方。如果太陽直射點喺北半球,太陽由東偏北方升起,由西偏北方落下,太陽直射點緯度或者當地緯度越高,咁呢個角度越大。同樣道理,如果太陽直射點係喺南半球,太陽由東偏南方升起,喺西偏南方落落去,太陽嘅直射點緯度或者當地緯度越高,咁呢個偏角就越大。只有喺春分同秋分嘅時候,太陽先至係由正東方升起,正西方落下。
依據唔同嘅精確度,羅盤上面嘅方位除咗四方位之外,重可以細分為方位角、八方位、十六方位、三十二方位。方位角用正北,亦即係面向地理北極嘅方向,作爲0°,然後順時鐘方向(右轉)慢慢咁增加度數,到90°係東,180°係南,270.00°係西;八方位就同鄰近方位相差45°;十六方位嘅就同鄰近方位相差22.5°;而三十二方位就同鄰近方位相差11.25°。三十二方位通常用喺航海、航空、軍事等呢啲需要精確方位嘅場合。
坎 | 艮 | 震 | 巽 | 離 | 坤 | 兌 | 乾 | 坎 | 八掛 |
---|---|---|---|---|---|---|---|---|---|
北 | 東北 | 東 | 東南 | 南 | 西南 | 西 | 西北 | 北 | 八方 |
廿四方係以十二地支爲綱,再八卦之中,十二支無嘅四個,再用十天干,填埋淨低東西南北側邊八個。天干嘅【戊】【己】同地支嘅【戌】【巳】太似,就唔用,啱啱好有八個。
子 | 癸 | 丑 | 艮 | 寅 | 甲 | 卯 | 乙 | 辰 | 巽 | 巳 | 丙 | 午 | 丁 | 未 | 坤 | 申 | 庚 | 酉 | 辛 | 戌 | 乾 | 亥 | 壬 | 子 | 廿四方 |
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
子 | 丑 | 寅 | 卯 | 辰 | 巳 | 午 | 未 | 申 | 酉 | 戌 | 亥 | 子 | 十二地支 | ||||||||||||
坎 | 艮 | 震 | 巽 | 離 | 坤 | 兌 | 乾 | 坎 | 八卦 | ||||||||||||||||
癸 | 甲 | 乙 | 丙 | 丁 | 庚 | 辛 | 壬 | 十天干 | |||||||||||||||||
北 | 東北 | 東 | 東南 | 南 | 西南 | 西 | 西北 | 北 | 八方 |
北係跟坎、子;東就跟震、卯;南就跟離、午;而西就跟兌、酉。
東北跟艮;東南就跟巽;西南跟坤;西北就跟乾。
明代行船重有用兩個隔籬方位,表示方位中間,例如:甲寅係甲同寅中間,等於 67.5°,而甲卯就等於 82.5°。
可以參考海道針經。
中國古代重有所謂六合嘅講法嚟表示空間方位。一種講法係:前、後、左、右、上、下,而另一種講法就係:東、南、西、北、上、下。
當係鐘面十二個鐘,用幾點鐘方向指示方位。飛機機員同地面軍隊呢啲軍事組織,通常用鐘面方位以示方向。
十二點鐘方向 | 一點鐘方向 | 二點鐘方向 | 三點鐘方向 | 四點鐘方向 | 五點鐘方向 | 六點鐘方向 | 七點鐘方向 | 八點鐘方向 | 九點鐘方向 | 十點鐘方向 | 十一點鐘方向 | 十二點鐘方向 | 鐘面方位 |
---|---|---|---|---|---|---|---|---|---|---|---|---|---|
子 | 丑 | 寅 | 卯 | 辰 | 巳 | 午 | 未 | 申 | 酉 | 戌 | 亥 | 子 | 廿四方位 |
北 | 東 | 南 | 西 | 北 | 四方位 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.