文化大革命
中國共產黨主席毛澤東發動嘅政治運動 / From Wikipedia, the free encyclopedia
1971年,毛澤東嘅接班人林彪墜機死咗之後,令文革降溫,1973年8月,江青、張春橋、姚文元、王洪文喺中共中央政治局組成「四人幫」,展開「批林批孔」運動。到1976年1月8號,總理周恩來死咗,全國人民自發嘅悼念活動演變成反四人幫群眾運動。一路到1976年9月9號毛澤東死咗之後,由華國鋒、葉劍英、李先念為核心嘅中央政治局打擊四人幫,四人幫倒台之後,華國鋒正式做咗毛澤東接班人,出任中國共產黨中央委員會主席(黨主席)。1977年8月,中國共產黨第十一次全國代表大會正式宣佈文化大革命結束[1]。
文革期間,對全中國造成翻天覆地嘅破壞同損失,所以又有人叫呢場文革做「十年浩劫」。