數獨
From Wikipedia, the free encyclopedia
- 有個 9 × 9 嘅方陣,個方陣分做 9 個細方陣(boxes / blocks),每個細方陣 3 格 × 3 格;
- 某啲格經已有數喺裏面;
- 玩家要做嘅嘢係將數字填入方陣嘅空格嗰度,目標係要令方陣每條直行有齊 1 至 9、每條橫行有齊 1 至 9、同埋每個 3 × 3 細方陣入面有齊 1 至 9;
- 噉講即係話,一條解咗嘅數獨謎題會係個拉丁方陣(Latin square);
數獨謎題有唔少畀人覺得係得意嘅數學特性:數獨謎題可以用某啲演算法解,又可以用相對簡單嘅演算法創造;數獨謎題嘅呢啲數學特性,仲吸引咗好多數學同電腦科學嘅工作者研究佢哋。
數獨源於 19 世紀:19 世紀經已有法國嘅報紙喺度出啲類似數獨嘅遊戲俾讀者玩,而早喺 1979 年經已有美國建築師喺度整數獨遊戲;打後數獨喺 1980 年代由日本一間整遊戲嘅公司 Nikoli 普及化,最後令數獨呢種遊戲擴散到全世界,而日本人幫呢種遊戲改嗰個名-數獨-就畀人一路用到而家[註 1]。到咗廿一世紀初,數獨已經風行全世界,由日本至印度至歐洲都有人搞數獨比賽[4][5]。