數據庫
From Wikipedia, the free encyclopedia
喺電算上,數據庫(粵拼:sou3 geoi3 fu3;英文:database,DB),又叫
喺電腦科學裏面,數據庫係相當專門嘅領域:「由個數據庫嗰度搵件數據出嚟」呢家嘢就噉睇好似好簡單;不過到咗廿一世紀初,一個商業用嘅數據庫閒閒哋可以儲咗成幾千億至幾萬億個位元組咁多嘅數據,而由呢啲噉嘅數據庫當中搵數據(同埋做第啲作業)用到嘅演算法可以複雜得好交關;因為數據庫技術咁專業,有好多企業甚至仲會專登請個職位,淨係幫手應付數據庫相關嘅工作[3][4]。
數據庫同相關嘅技術喺現代資訊科技當中舉足輕重:數據庫技術令到企業能夠儲嘅數據量大增,於是有唔少資訊系統方面嘅工作者就著手研究「呢啲數據可以點樣用嚟達致商業目的」,形成咗大數據同數據科學等嘅領域-可以(例如)量度同分析啲消費者用一件電子產品嗰陣嘅行為[5];電腦科學工作者仲會將機械學習等嘅人工智能技術結合落去數據庫嗰度-令數據庫技術同相關嘅資訊科技係噉互相刺激同引發創新[6][7]。