張天福
From Wikipedia, the free encyclopedia
張天福(1910年9月21號—2017年6月4號)係中國茶學專家,被稱為茶學泰斗。佢係《中國農業百科全書》列出嘅10位現代茶葉專家之一,[1]重被授予「中國茶業界終身成就獎」[2]。
張天福喺上海出世,佢係福州籍名醫世家[3],1932年從南京金陵大學農學院(1952年併入南京大學)畢業,1935年創辦咗中國第一間茶葉科研所——福建省立福安農業職業學校[1][2]。1941年,佢成功研製中國第一部揉茶機[1][2]。1957年時被劃為「右派」,直至1980年獲平反[1]。著有《福建白茶的調查研究》、《龍巖斜背茶調查》、《梯層茶園表土回溝條墾法》等[1]。被譽為「台茶之父」嘅吳振鐸亦都係張天福嘅學生[1]。
佢同第一任夫人吳端宜於1946年結婚,到1991年吳去世為止共45年婚姻,育有三仔一女[1]。2010年百歲高齡時,張天福同57歲嘅雜技演員張曉紅結婚[4]。