帝 (北極)

帝，恆星一粒，喺星官北極，又叫帝星，古時視佢為帝。儀象考成編佢為北極二。史記天官書，話側邊三星，係三公或者子屬。帝帶赤色甚光，晉書天文志寫佢赤明。

史記天官書話「太一常居」，太一就係天球北極，帝可謂最初嘅太一星。

近北極有兩粒光星，一係帝，二係正妃，喺勾陳，代表帝嘅正妃。

西洋星座而言，入小熊座，叫小熊座β星。

文獻

史記天官書有記。

天極星、其一明者、太一常居也。旁三星三公、或曰子屬。後句四星、末大星正妃、餘三星後宮之屬也。

晉書天文志有記。而且叫佢帝王。

第二星主日、帝王也。亦太乙之坐、謂最赤明者也。