〈家明〉係香港女歌手謝安琪(Kay Tse)嘅第55首派台作品,同時都係KONTINUE嘅第四首主打歌。單曲喺2014年12月10日派到去各大電台。〈家明〉係由伍樂城作曲、黃偉文填詞、朱俊傑與伍樂城編曲,並由伍樂城監製[1]。
謝安琪喺佢嘅音樂會同埋電台訪問個陣指出,黃偉文填寫〈家明〉呢份歌詞係向一首國語歌曲致敬,同埋係對1989年當時發生嘅一啲事嘅回憶。〈家明〉嘅「家」字解作「國家」,而「明」字就解作「明天」及「日月」,合起身就係【國家嘅明天】或者【國家嘅日月】噉解,帶有年輕人對國家未來有抱負嘅含意[2] 。