孤泣

孤泣，原名梁家威（英文：Ray Leung，1981年 7月16號—），係香港流行小說作家，2008年開始出作品，出咗超過六十本小說。2018年，viuTV改編佢嘅作品去拍電視劇《已讀不回》。

2007年，孤泣創作過嘅歌曲《水泡》喺第19屆CASH流行曲創作大賽上攞到《流行曲創作亞軍》同《網上最受歡迎歌曲》嘅獎項^[1]。2008年12月，出咗第一本散文作品《孤泣情心》。2009年，孤泣開始喺網上連載小說，作品主要以有電影感嘅愛情同懸疑故事，而家官方網站每年都有連載最新故事，重有出版小說。2014年4月，孤泣嘅作品《殺手世界》第一次攞到香港閱讀城第11屆十本好讀第八位，喺同月12號去咗頒獎禮^[2]。同一年，孤泣攞埋第一屆香港金閱獎^[3]。孤泣嘅小說《APPER2 人性遊戲》曾經因為啲情節問題俾香港方面擺入第二類不雅物品^[4]。

2018年10月，自孤泣小說改編嘅二十集電視劇《已讀不回》喺ViuTV播放。