如意坊站

如意坊站（粵拼：jyu4 ji3 fong1 zaam6；英文：Ruyifang Station）係廣州地鐵6號綫嘅車站，2013年12月28號開始營運，位置喺荔灣區黃沙大道嘅多寶路對出嘅舊廣州南站入面。

如意坊 Ruyifang
如意坊站嘅站名
概覽
冧巴	606
位置	荔灣區黃沙大道
座標	23°6′59.4″N 113°13′41.4″E
車站色
經過路線	6
啟站	2013年12月28號
月台數	1
站口數	2
營運資訊
車站服務時間	06:05-23:50
列車服務時間	06:10-23:45
廣州地鐵6號綫 潯峰崗　◄坦尾 （1.9km） （1.2km）黃沙►　香雪

佢既係成個廣州地鐵入面，最闊嘅月台車站；又係成條6號綫入面最大嘅車站。佢嘅月台有23米咁闊^[1]。

結構

樓層

呢個站有5層樓。地面係黃沙大道、多寶路同附近建築；地下1～2樓係商業設施同設備區；地下3樓係站廳，有票務設施，客務中心同商鋪；地下4樓係事先留低咗嘅11號綫月台；地下5樓係6號綫嘅月台。雖然車站冇休息室同母嬰室，但廁所喺地下四樓半。

打掂

地面
	-	出入口

地下 一樓
	商業區	商場,地鐵設備區

地下 二樓
	商業區	商場

地下 三樓
	站廳	站廳,自動售票機

地下 四樓
	月台	事先留咗畀11號綫
	事先留低咗嘅島式月台
	月台	事先留咗畀11號綫

地下 五樓
	車站廁所同埋事先留低咗嘅轉車樓
	2月台	← 6號綫列車去坦尾站（行潯峰崗嗰邊）
	島式月台，開左邊門
	1月台	6號綫列車去黃沙站（行香雪嗰邊） →

打橫

如意坊站嘅站廳

如意坊站嘅月台

柱上啲字

站廳

月台

呢個站有兩個島式月台，其中6號綫喺黃沙大道西邊嘅如意坊地皮地底，11號綫喺多寶路北邊嘅地底。而11號綫喺上邊，6號綫喺下邊。

月台樓全景（喺2013年12月28號影。）

月台全景图（行潯峰崗嗰邊，喺2014年9月17號影。）

另外，喺呢個站6號綫西北邊有條存車線，若果6號綫西北邊出現冬瓜豆腐嘅話，去潯峰崗啲車都會攞呢度做總站，之後喺呢條存車線返轉頭。屆時去大坦沙同金沙洲啲乘客要轉其它交通工具先至可以到，但去5號綫啲乘客要去區莊站轉先至得。

出入口

如意坊站冚唪唥嘅出入口
A出入口 A出入口  B出入口 B出入口

呢個站一個有2個出入口，分別係A同B。

冧巴	標記	去到邊度
出入口A	多寶路	多寶路、黃沙大道、如意坊巴士站（東南行）、如意坊碼頭
出入口B	黃沙大道（南行）	黃沙大道、多寶路、多寶路巴士站（西南行）
註： 有盲人引導徑 | 有輪椅升降臺 | 有𨋢

車站歷史

規劃

6號綫

呢個站喺1997年嘅《廣州市城市快速軌道交通線網規劃研究（最終報告）》出現咗。嗰時係方案B講嘅5號綫^{[註 1]}嘅車站，就喺之前廣州南站嘅地皮嗰度。但喺2003年嘅規劃入面話咗係6號綫嘅車站。

11號綫

到咗2008年嘅方案入面話咗有條新出嘅大環線停呢個站。而所謂呢條「大環線」，就喺後嚟喺2010年嘅方案入面話咗，佢係11號綫嘅車站。

施工

6號綫

2006年底，車站正式開始逳手起。工程直到2011年10月15號先至搞掂。但2007年10月5號出現咗坍塌事故。

11號綫

• 2016年8月6號，車站正式開始搞施工招標^[2]。
• 2016年12月底，車站正式施工。
• 2018年8月11號，荔灣區人民政府準備征收喺如意坊到石圍塘一帶部份國有土地上房屋，用嚟起11號綫包括呢個站同石圍塘站、如意坊隧道同內環路凈低未搞嘅如意坊放射綫嘅附屬工程。

點解呢個站嘅6號綫月台會有23米咁長？

喺2007年10月5號03:00，嗰時呢個站喺起緊嗰陣突然有水飆咗出嚟，搞到有成300平方米嘅地面發生咗5～6米嘅坍塌事故^[3]。到咗第二日06:30，冧咗嗰部分已經用水泥填返^[4]，之後施工團隊就改咗起如意坊站嘅方案。就係將之前暗挖嘅分離島式月台改成顯挖單島式月台，不過嗰時車站嘅返轉頭隧道已經搞掂咗，而且車站最多限咗喺26米嘅線間距，所以呢個站就起咗成23米闊嘅島式月台出嚟。

開通

到咗2013年12月28號嘅6號綫開通咗之後，呢個站正式開放。

利用狀況

由於呢個站係喺舊陣時嘅廣州南站嘅地皮入面，附近冇幾遠就係西關嘅老城區，入面唔係有住宅就係有幾間學校響度喇。附近除咗荔灣湖公園嘅南門就冇咩大商場同埋旅遊地方喇。呢個站附近冇幾遠就係廣州市第一中學嘅初中部同埋幾間小學響度，一般係朝早同埋晏晝返學、中午同埋晚黑放學嘅學生仔用得比較多之外；重有附近有個冇咩人知嘅荔灣湖游水場（要行入去多寶路再轉入去荔枝灣路過尐先至搵到）同埋住喺呢個站附近啲居民用呢個站就乜人流都冇嗮喇，所以呢個站嘅客流好少。如估喺低峰期間係非常之冷清嘅。喺過咗晚黑8點半之後，呢個站就幾乎冇人喇。

接駁交通

廣州地鐵，如意坊站嘅接駁交通一覽

巴士

• 如意坊站

  日班車：

  9、71、82、105、廣123、176、208、209、236、270、275、538

  夜班車：

  夜33、夜37、夜69

• 多寶路（黃沙大道口）站

  日班車：

  3、25、55、74、82

  夜班車：

  夜23

水上巴士

• 如意坊碼頭

  S3綫

文化站

如意坊站嘅柱面裝飾

呢個站係6號綫首期工程嘅其一文化站，柱面裝飾係「荔灣湖公園」。

註同攷

註

1. 呢度講嘅5號綫喺1997年規劃時屬環線，而家營運緊嘅5號綫係2003年規劃嘅事。

攷

1. 〈广州六号线首期（浔峰岗~长湴）各站详细介绍及出入口示意图〉。原著喺2020年3月16號歸檔。喺2014年4月17號搵到。
2. 〈广州地铁11号线芳村段站位公布！看看有没有经过你家〉。《广州日报》。羊城派。2016-08-07。
3. 〈广州如意坊工地塌陷 一餐厅被埋〉。大洋網。2007-10-06。原著喺2012-01-24歸檔。喺2014-09-30搵到。
4. 〈如意坊工地塌陷险情已解除〉。南方都市報。2007-10-07。原著喺2015-07-07歸檔。喺2014-09-30搵到。

上一站·下一站

上一站⇚⇚　　　　廣州地鐵　　　　⇛⇛下一站
石圍塘站 逆時針←	如意坊站 11號綫	中山八站 →順時針
坦尾站 潯峰崗站←	如意坊站 6號綫	黃沙站 →香雪站
提醒：11號綫喺度起緊。