奴隸制

奴隸制係當人係貨物嘅制度。奴隸主擁有奴隸，奴隸係主人嘅財產。主人可以使奴隸做嘢，一切供給都係奴隸主畀，無人身自由。如一個人類社會，大部分物質生產都係奴隸做嘅，噉嘅社會，叫奴隸社會。

各地嘅演變

中國大陸

「蓄奴」喺大陸度係有好耐嘅歷史，由秦漢帝國嘅時代開始，驅使奴婢同農奴嘅大地主莊園，就一路同普遍嘅自耕農並存。各代管治者都有制訂埋啲蓄奴法律，如大唐嘅《奴法》、大清嘅《逃人律》等等，都列明咗會嚴懲逃奴同窩藏逃奴嘅人戶^[1]。

漢帝國時有皇帝詔令係可以赦免奴隸，而奴隸主亦可以放免自己嘅奴隸。俾人解放嘅奴隸，同普通平民一樣，仲可以入仕或接受封侯。奴隸仲可以自贖免，如果回歸平民身份後再被奴役，照漢律就係同略賣良人為奴一樣屬於犯罪^[2]。

攷

1. 〈中国古代的蓄奴制度：各朝严酷的蓄奴法律〉。搜狐。2018-02-06。原著喺2021-07-12歸檔。喺2021-07-12搵到。
2. 奴隶制、官奴和私奴 何兹全， 中国古代社会