大石站
From Wikipedia, the free encyclopedia
大石站（粵拼：daai6 sek6 zaam6；英文：Dashi Station）係廣州地鐵3號綫嘅車站，2006年12月28號開放，位置喺番禺區大石街道，新光快速路同群賢路嘅交界地底。
樓層
呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係3號綫嘅月台。同大多數嘅3號綫車站一樣，冇廁所同休息室響度。
打掂
| 地下 一樓 |
站廳 | 站廳、售票機、客服中心 |
| 地下 二樓 |
2月臺 | ←3號綫列車去廈滘站（行天河客運站 / 機場北嗰邊） |
| 1月臺 | 3號綫列車去漢溪長隆站（行番禺廣場站嗰邊）→ | |
打橫
 |
 |
站廳
大石站嘅收費區喺站廳嘅中間偏東嘅位，而西邊係人行通道，而車站嘅商舖方面，都喺嗮車站嘅南北兩邊嘅免費區入面，而自助服務喺嗮車站嘅南北兩邊嘅免費通道入面。而收費區有好多部扶手電梯同樓梯、專用𨋢往返月台都得。
月台
商舖同自助服務
而家嘅大石站入面凈係得好少鋪頭畀乘客買嘢。但係大石站入面重有自助服務設施畀乘客用，包括咗自動販賣機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。
|
|
出入口
| 大石站冚唪唥嘅出入口 | ||||||||
|---|---|---|---|---|---|---|---|---|
|
呢個站一共有4個出入口，分別係A、B、C、D。
| 冧巴 | 標記 | 方位 | 去到邊度 |
|---|---|---|---|
| 出入口A | 群賢路 | 群賢路、新光快速路、大石街、群賢酒店、地鐵大石巴士總站 | |
| 出入口B | 新光快速路 | 新光快速路、禮村 | |
出入口C    | 新光快速路 | 新光快速路、植村、金科廣場、地鐵大石公交站 | |
| 出入口D | 新光快速路 | 新光快速路、群賢路 | |
| 註： 有盲人引導徑 | 有斜道 | 有輪椅升降臺 | |||
.svg){kind=small}
.svg){kind=small}
規劃
3號綫
7號綫嘅車站（已經取消咗）
喺設計同起緊3號綫時事先留低咗轉車結構，但未同時起埋另一邊，即使係2005年改咗7號綫嘅規劃都係噉。不過2010年修改過規劃，將原先轉車站改到漢溪長隆站而冇用到預留。家下個站嘅轉車結構暫時用咗流牆冚住。
4號綫嘅車站
喺2012年3月份規劃嘅4號綫從張槎站到呢個站為止，車站事先留低咗轉車結構有可能會重新用返。雖然2016年份規劃改到去南村萬博站嗰邊，但重經呢個站。
施工
到咗2002年5月，3號綫嘅工程開始逳手起。而工程一直到2006年底先至起好。
開通
喺3號綫開咗首通段之後一到未通到呢個站，直到2006年12月28號嘅3號綫全線開通嗰陣先至開始營運。
奇裝異服唔畀入站事件
2018年7月18號晚黑，有位身着住冇袖LOLITA服飾嘅大學生入去搭地鐵時，當場俾安檢人員攔咗落嚟，話係「奇裝異服」而唔畀入站搭車。事發後，事主第一時間發佈咗微博。即刻引起網上好多人討論，有網友唔明點解LOLITA服飾係奇裝異服。後嚟廣州地鐵官方第一時間關注咗呢單嘢，兩日之後即刻向事主道歉，重解釋嗰日上緊班嗰位安檢員係新仔，完全未知得嗮咩叫「奇裝異服」，重要求嗰位新仔去安檢公司加強培訓。廣州地鐵官方亦同時提醒：凡係入站搭車啲乘客帶有恐嚇性或醜化性嘅裝扮而引發其他人不安嘅，工作人員都有權唔畀入站坐車[1][2]。
呢個站嘅附近有好多條巴士線路同埋樓巴接駁。再加上附近又有祈福新邨、南國奧林匹克花園、廣州碧桂園、星河灣等等呢啲大型樓盤，有啲打工仔成日都嚟呢個站落車返放工，呢個站係棟好繁忙嘅廣州地鐵車站。車站主要服務喺車站附近嘅番禺大石附近地區嘅大型樓盤嚟返放工學嘅人比較多。
雖然話呢個站距離原嚟嘅大石地區都好遠吓，但係A出入口隔籬有個巴士站可以去到唔同地區，所以有部分大石地區住嘅居民，甚至喺南村嘅大多數居民坐巴士嚟呢個站搭地鐵。所以呢個站嘅出入站人流都好多，尤其喺上落班高峰嗰陣重逼到爆咁滯。
家下工作日朝早07:40～09:00，喺同和到呢個站路段加開咗早高峰短綫，所以呢個站亦變成早高峰短綫嘅總站。
| 編號 | 往返 | 攷 |
|---|---|---|
| 番145 | 廣州南站↔市橋汽車站 | |
| 番185 | 海怡花園↔石壁一村 | |
| 番187 | 大石地鐵站↔地鐵會江站(巨大創意產業園) | |
| 番190 | 大石地鐵站 ↺ 大石地鐵站 | 迴圈線，經番禺大道 |
| 地鐵接駁專線7 | 大石地鐵站 ↺ 大石地鐵站 | 迴圈線，經105國道 |
| 地鐵接駁專線8 | 大石地鐵站↔七星崗公園（南村體育中心） | |
住宅
- 錦繡銀灣
- 星河灣
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
