![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/The_silent_highwayman.jpg/640px-The_silent_highwayman.jpg&w=640&q=50)
大惡臭
From Wikipedia, the free encyclopedia
大惡臭(粵拼:拼音待填;英文:Great Stink)係1858年7月至8月中倫敦發生嘅環境災難,當時大量排泄物同工業廢水未經處理直接排入泰晤士河,啱好天口焮,啲細菌滋生令到倫敦臭氣熏天。始建於17世紀嘅泰晤士河兩岸污水渠設計仲唔完善,又經兩個世紀老化,污水直接入河。問題累積多年未有嚴重影響,但污水渠系統升級方案遲遲未獲批准導致問題加劇。啲人擔心污水形成嘅瘴氣會傳染疾病,亦認為事發前嘅三場霍亂同泰晤士河嘅狀況有關。
![]() |
![](http://upload.wikimedia.org/wikipedia/commons/thumb/a/a2/The_silent_highwayman.jpg/640px-The_silent_highwayman.jpg)
事後,國家同地方官員因懼怕臭味及後續影響而積極採取行動。當局接受土木工程師約瑟·巴素夕建議,喺河流兩岸修建排污網絡及截流管道,將污水向東排放到都會區外嘅排污口。渠務工程於1859年初展開,1875年竣工。為咗加強排污效能,巴素夕喺系統內增設兩座泵站,以就將污水從低地管道抽升至高地管道。克羅斯內斯泵站同阿貝米爾斯泵站均出自巴素夕同另一位工程師查理斯·戴華亞之手,他們後來均被英格蘭遺產委員會列為登入建築。巴素夕其後再喺泰晤士河以北一帶修築維多利亞堤岸、切爾西堤岸同阿爾伯特堤岸,以便喺當區鋪設低地管道。
巴素夕嘅渠務系統除咗確保污水唔再傾倒喺泰晤士河岸邊,還令霍亂喺倫敦徹底成為歷史。歷史學家約翰·多克薩特認為佢可能比維多利亞時代任何一位官員做得更好,挽救更多生命。渠務系統直至現今仍喺運行,服務著呢座超過850萬人嘅城市。歷史學家彼得·阿克羅伊德認為巴素夕係拯救倫敦嘅英雄。