塔影樓

塔影樓
明細
原名	花園酒店
類型	cultural heritage[*]
用途	參觀
構造	西式洋樓
佔地面積	42m²
建築面積	差唔多60m²差唔多60m²
樓數	4層半
高度	差唔多20m
落成	1919年
喺邊	中國廣東省廣州市荔灣區沿江西路; （沙基慘案紀念碑同西堤碼頭之間嘅位）
座標	23°6′34.90″N 113°14′46.56″E
保護形式	廣州市文物保護單位
保護單位	廣州市人民政府
號	8-56
登錄	2015年8月

塔影樓（粵拼：taap3 jing2 lau4）係中國廣東省廣州市嘅其中一間西式嘅墨綠色矮洋樓仔。呢間嘢係孫中山嘅好友——陳少白喺1919年嘅西堤聯興碼頭（而家係西堤碼頭）隔籬起咗間聯興碼頭辦事處兼住宅嘅建築。而呢間嘢喺荔灣區沿江西路嘅人民橋附近，隔籬冇幾遠就係沙基慘案紀念碑、粵海關舊址同埋西堤碼頭嘅景區同建築。由於佢喺晚黑嗰陣，大樓嘅燈光倒映到珠江入面好似個燈塔噉，所以就叫「塔影樓」，但係喺好多年嚟都俾人話成係「鬼樓」。

Quick Facts 塔影樓, 明細 ...

Close

結構

呢間樓係4層樓嘅西式洋房、最頂樓係中式四簷滴水，喺晚黑嗰陣同珠江一齊，好似個燈塔噉。佢同歐洲嘅傳統海關大樓啱好對住嗮。

由來

陳少白喺細個嗰陣跟住佢伯爺陳夢南，陳夢南翻譯咗一大堆歐洲嗰邊嚟啲書，陳少白就開始努力去學。結果佢喺1888年就嚟到廣州嘅沙基（而家係六二三路）嘅美國長老會新開嘅格致書院度學嘢。佢喺學校叻到龍咁威，因為陳少白識文學、唱歌、吟詩作對同畫畫，喺學校入面成日俾人話「猛人一等」。喺第年（1889年），佢就加入咗基督教。到咗1890年1月重識埋孫中山，結果佢同孫中山有講有笑，甚至為咗追佢而兩次退學。第一次喺識咗孫中山嗰陣就唔理阿爸阿媽點反對佢都好，都係離開咗格致書院，入咗去孫中山讀緊嘅香港麗雅英文醫學書院度學嘢。喺嗰時，孫中山、陳少白、楊鶴齡同尤列呢4位，佢因為唔鍾意清朝嘅腐敗制度，重讚咗洪秀全嘅反抗精神而話成反清嘅「四大地寇」。而第二次喺孫中山畢業後（1893年春天），佢就去咗廣州西關地區嘅冼基嗰邊開咗間東西藥局，嗰時陳少白重未畢業，又唔理阿爸阿媽點亂嗑佢π³都好，佢重係轉咗校，去到廣州入面幫孫中山去睇下間藥舖。而1894年，孫中山就加入咗職業革命家嗰度，甚至連陳少白都跟埋佢入到孫中山嘅革命嗰邊。喺1895年，孫中山同陳少白等人一齊起咗間香港興中會嚟搞廣州起義。不過嗰時嘅廣州起義衰咗，陳少白就出咗去，去到出面繼續搞革命宣傳，重厝埋啲錢嚟搞惠州起義都有。就喺1908年，佢重幫埋廣州西關嘅振天聲劇團去到南洋嗰頭演愛國劇碼。

辛亥革命之後，陳少白就先後辭咗官職兩次去搞實業同家鄉嘅建設。第一次喺1911年11月做緊廣東軍政府外交司司長之後無耐，第二次喺1912年2月嘅南京臨時政府成立咗之後，孫中山為咗統一大局而離咗任嗰陣，陳少白都即刻走埋佬。佢就建議等華人嚟搞間粵航公司嚟辦穗港航線。之後重做咗粵航公司嘅總司理。喺1918年底嘅第一次世界大戰結束咗之後，英國就想恢復返航運業，佢就喺香港高價收購咗啲舊嘅輪船，而陳少白就趁呢個機會喺1919年將間公司啲船冚唪唥賣嗮畀英國而將粵航公司都賣埋出去，甚至重將聯興碼頭買埋落嚟，結果佢喺碼頭隔籬嗰邊起咗棟4層樓半高嘅碼頭事務所出嚟。

意義

呢間樓嘅作用唔係凈得經濟嗰邊有幫助。喺19世紀因為清朝嘅腐敗制度，導致中國海關俾國外勢力滲透或控咗佢，一直到1921年嘅孫中山總統向中華民國軍政府命令收返海關管理權嗰時，英屬香港當局竟然派兵去到粵海關嚟嚇走啲人，重有啲外國使團都係度猛咁話唔畀干涉海關嘅行政。但係嗰時廣州市政府應承咗話起塔影樓嘅。

而家

雖然話呢間嘢喺2002年9月份入咗去廣州市登記文物保護單位^[1]，但喺2004年10月份重新裝修之後變咗間西餐廳，卒之就俾人猛咁鬧^[2]。2015年8月，被定爲市文物保護單位。

同佢有關嘅對聯

第一句對聯： 盡籌翊贊興中會；豹遁居貞塔影樓。

第二句對聯： 八千里丹旐歸來，那堪燕市羊城，兩地高樓遺塔影；廿餘年絳帷睽隔，最忙松亭竹榭，一杯濁酒醉詩魂。

註

[1]
荔湾区辖内市登记文物保护单位^{[失咗效嘅鏈]} 荔湾区地情网
[2]
广州西堤“鬼楼”变餐厅 “塔影楼”变身引争议互聯網檔案館嘅歸檔，歸檔日期2016年3月4號，.，信息时报

攷

[1] [1]
荔湾区辖内市登记文物保护单位^{[失咗效嘅鏈]} 荔湾区地情网

[2] [2]
广州西堤“鬼楼”变餐厅 “塔影楼”变身引争议互聯網檔案館嘅歸檔，歸檔日期2016年3月4號，.，信息时报

[1]

[2]