坑口站 (廣州)
廣州地鐵嘅車站 From Wikipedia, the free encyclopedia
坑口站（粵拼：haang1 hau2 zaam6；英文：Kengkou Station）係廣州地鐵1號綫嘅車站，1997年6月28號開始營運，位置喺荔灣區芳村花地大道中同龍溪大道嘅十字路口西北角，芳村客運站正對面，荔勝廣場同盛大藍庭之間。
外觀
呢個站嘅外觀有啲似外星人搭啲飛碟噉。頭頂屬園拱形，外表有水泥灰搭配。車站出面有大隻金色字印住個中文站名響度。
樓層
呢個站一共有兩層樓嘅地上區域，其中地面係1號綫嘅月台，地鐵出入口同花地大道中等道路，但兩者唔相連。地上三樓係1號綫嘅站廳。同大多數嘅1號綫車站一樣，冇休息室同廁所響度。
打掂
| 地上 二樓 |
站廳 | 站廳、售票機、客服中心、出入口通道、安檢設施 |
| 地面 | 側式月台，開右邊門 | |
| 2月台 | ←1號綫列車去西塱站（行總站） | |
| 1月台 | 1號綫列車去花地灣站（行廣州東站嗰邊）→ | |
| 側式月台，開右邊門 | ||
打橫
 |
 |
站廳
呢個站嘅西邊同東邊都列入咗收費區，四圍係過節通道，中間有免費區通道隔開咗兩個收費區，入邊有扶梯或者樓梯落到月台。由於呢個站嘅專用𨋢出入口都喺嗮免費區入面，所以乘客若果有需要嘅話，可以向車站嘅工作人員查咗車飛之後嚟協助用。
呢個站同大學城北站一樣，兩邊收費區冇連埋一齊，所以若果搞錯方向入站嘅，必須要揾車站工作人員幫手，叫佢開條免費專用通道畀你過去。
月台
呢個站有兩個側式月台，喺花地大道中西邊嚿空地上面。
另外，喺呢個站南邊整咗條單渡綫嚟配合呢個站向南行啲列車，行入西邊條軌道入去西塱車輛段，嚟方便1號綫喺尾班車開出之後到頭班車開入之前或其它情況嘅車務調動時用到。
商鋪同埋自助服務
而家嘅坑口站入面有各種鋪頭畀乘客買嘢同埋食嘢，好似有便利檔、麵包檔同洗衫舖、糖果舖、涼茶鋪噉。重整咗好多自助服務設施畀乘客用，包括咗自動販賣機、自動充值/賣卡機等；重有可以查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。
|
|
出入口
| 坑口站冚唪唥嘅出入口 | ||||||||
|---|---|---|---|---|---|---|---|---|
|
呢個站而家有A、B、C、D四個出入口。喺A同B出入口可以通到芳村汽車客運站，乘客可以喺嗰邊轉大巴到廣東省內嘅其它城市同省際嘅部分地方。喺未實施「人過安全門、物過X光機、液體過檢測儀」嘅安檢制度之前，個個出入口往返邊度都得。自從2017年10月10號開始實施嚴格安檢之後，期間任何出入站啲乘客都要接受安檢（即使係過街到對面馬路或商場都要噉做）。不過喺2019年1月11號嘅荔勝廣場開業之後，原先喺B同C兩個出入口、及D同A兩個出入口之間，改成毋須安檢嘅通道嚟分流過街行商場啲人。不過若果想對角線往返以下呢啲出入口且毋須安檢嘅，必須要噉做：
- B同D出入口之間——必須要入荔勝廣場西區先至去到，淨限每日10:00～22:00。
- C同A出入口之間——必須要喺盛大藍庭東區出面條上空長廊先至去到。
.svg){kind=small}
.svg){kind=small}
規劃
1987年，廣州市人民政府準備引入法國資本嚟起地鐵，個站最先喺1號綫一期工程出現，嗰時嗌「坑口站」。後嚟規劃徵求過市民意見而定咗「十字線網」，重話會起呢個站[1]。
施工
1993年12月28號，車站正式喐手起。嗰時芳村屬山旮旯地方，加上廣州第一次起地鐵而起成地面車站。隨後工程直到1997年春末夏初先至起好。
開通
1997年6月28號，1號綫正式通車，但嗰時地鐵凈開到黃沙站就返轉頭[註 1]。而開通儀式喺1號綫站房前邊嘅廣場[註 2]搞。
出入口
坑口站嘅A出入口附近，車站東邊嚿地皮喺2014年農曆新年之前重係嚿空地。其中綠色棚架位置，而家係荔勝廣百廣場嘅高樓大廈地方。
呢個站喺開通初期整咗A、B、C、D夾埋四個出入口，喺東邊隔籬係嚿空地，用嚟做停車場同埋往返佛山南海嗰邊啲巴士嘅地方，期間A出入口亦有兩部扶手電梯同地面連埋一齊。但係2014年春，由於廣州地鐵集團喺嚿空地搞大型物業施工，曾經試過喺2014年4月21號將B出入口封咗，期間令出入芳村客運站啲人揀咗A出入口出入站，重拆咗施工區域範圍嘅部分人行過街天橋直到同年5月1號先至重新開返[2]。而A出入口從2014年5月4號開始封閉嚟起荔勝廣百廣場，期間令出入芳村客運站啲人揀咗B出入口出入站，直到2019年1月11號嘅荔勝廣百廣場開業之後，A出入口先至重新開返畀乘客出入站[3]。
而D出入口附近條樓梯同專用𨋢，試過曾經喺2016年12月3號到2017年8月18號間因為加條扶手電梯而封咗[4]，家下已經重新開返。
加裝月台閘門、噴霧風扇同無障礙設施
- 月台閘門
2005年，地鐵公司為咗慳能源同防止乘客墮軌，所以喺營運緊嘅成條1號綫入面加裝月台幕門同月台閘門。而呢個站嘅月台閘門喺2009年1月開始用得。
- 噴霧風扇
2014年9月，由於6號綫三個高架車站[註 3]裝咗噴霧風扇之後，效果俾乘客反映話唔錯，所以地鐵公司逐步決定喺舊時起咗嘅12個地面或高架車站（包括呢個站）加裝207台噴霧風扇。而家已經裝好嗮。
- 無障礙設施
呢個站自從1997年6月28號開通之後一直以嚟，冇考慮到有傷殘人士出入站而俾好多傷殘人士出入站唔方便。後嚟有乘客建議鋪條斜坡方便殘疾人、老坑同帶咗大件行李啲人出入站。後嚟地鐵方收到信息之後喺呢個站D出入口附近整咗條無障礙坡道設施重喺2014年12月16號投入使用[5]。
呢個站附近有東漖鎮，汾水小區、坑口村等嘅住宅區，重有間廣東實驗中學高中部同埋廣州市真光中學嘅兩間汾水校區響度，有好多返放工學啲人都會經過呢個站。重好多時有芳村客運站出嚟啲人帶埋嗮啲大件行李入呢個站搭地鐵，所以客流都幾多下。尤其喺早晚高峰時段同節假日、寒暑假期間會比較逼。
另外，喺B出入口附近有芳村客運站可以去到廣東省嘅其它城市，尤其呢個車站附近重可以去到佛山市南海區嘅附近，所以有啲廣佛地區嘅候鳥成日都嚟呢個站落車再轉巴士入去龍溪大道再去到南海嗰邊。但芳村客運站附近，重衍生咗黃牛黨同埋擺地攤走鬼嗰啲人、五類車嘅社會亂象。
芳村汽車客運站
村落
- 坑口村
學校
- 廣東實驗中學（龍溪校區）
汽車站
商場
- 荔勝廣場
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
