![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1c/Verdiepingen.svg/langzh-yue-640px-Verdiepingen.svg.png&w=640&q=50)
地下 (樓)
樓同街道相接嗰層 / From Wikipedia, the free encyclopedia
地下,層名一種,一棟樓同出面街相接嗰層,出面笪地嗰層[1],有時亦叫一樓[2]。由於世界各時各地,計法各異,有時都幾混亂,有哋地方叫〇樓,廣東話講法,叫〇字樓。若加上喺斜坡起樓,有上街下街,個叫法就更亂。呢種混亂出自歐洲,歐洲同街相接,要特別指名,有啲後尾就用〇取代。非歐洲式,唔使特別指明,同街相接至低一層就叫一樓,一路數上去。然而要留意,有時層名好隨意,有時亦會跟功能起名,會有唔少例外。
![Thumb image](http://upload.wikimedia.org/wikipedia/commons/thumb/1/1c/Verdiepingen.svg/220px-Verdiepingen.svg.png)
地下對某啲唐人來講,會有啲歧義,唔習慣會誤以為地庫嗰層,地底嗰層。日本人亦然[3]。
唐人傳統上同街相接一層,叫一樓。為免同西洋搞亂,就叫唐一樓。日本就叫一階[4]。美國加拿大俄國,又同唐人傳統相合,叫一樓,英文First Floor。
歐洲就興接街嗰層,叫地樓或街樓,特別唔同。對上先用數字,以英文為例Ground Floor。然而香港地方,廣東話咁叫有啲怪,就叫地下,下指樓下,唔會喺上面。有啲會咁標明地下[5]。有啲會代表地下而用〇字。
若以歐洲式,斜坡就會有上街下街咁,就會上樓,Upper Ground Floor,接上街,下樓,Lower Ground Floor,接下街。然而有啲就只會揀一條街做地下,下街叫地下,上街叫一樓。又或者上街叫一樓,下街叫地庫。若然斜到橫跨三層街,有啲會上樓、地下、下樓咁分。若然斜到有四層街,有啲會上樓、地下、下一樓、下二樓咁。呢啲情況會出現歐洲式上,皆因通出去街要特別指名。
同樣,有啲樓起到低過地半層,咁有啲地下就會分上下。有啲就唔分上下,揀一層叫地下。有啲起到升半層,咁依層就叫地下。
有啲用大堂,英文Lobby,代替地下,不過大堂又唔一定喺地下嗰層,亦唔一定得一層大堂,並非地下代名。