From Wikipedia, the free encyclopedia
吉爾吉斯共和國(簡稱吉爾吉斯)係一個中亞內陸國,1864年被俄羅斯合併,1991年由原蘇聯獨立,首都係比什凱克市,總面積19.85萬平方公里,人口436.72萬,附近國有塔吉克、烏茲別克、哈薩克同埋中華人民共和國。主要民族係柯爾克孜族(又叫吉爾吉斯族)、俄羅斯族同埋烏茲別克族。
「吉爾吉斯斯坦」本身意思係「草原遊牧民之國」。
吉爾吉斯氣候屬大陸性,每年嘅7、8月熱啲,晌攝氏30度左右,12月到2月冬天可以凍到攝氏零下30度。全境海拔500米以上,一半嘅地區海拔1000─3000米,三分之一嘅的地區海拔3000─4000米。東北部有天山脈西段,西南部有帕米爾─阿賴山脈。得西南部同埋北部有低地分布。納倫河橫貫穿全境,晌境內長540千米。楚河晌境內長220千米。高山湖伊塞克湖係出名嘅不凍湖。每年平均落200─1000毫米雨。
吉爾吉斯而家人口大約543萬(2010年7月估計冧巴),其中0至14歲佔29.7%,超過65歲嘅佔5.8%。吉爾吉斯大部份地方都係郊野,2008年嘅統計得大約36%嘅人口住喺市區。
吉爾吉斯嘅最大族群係柯爾克孜族,佔總人口64.9%,以前過住半遊牧式嘅生活,以養綿羊、馬同埋牦牛維生。其他主要族群有俄羅斯族,主要集中晌北部;烏茲別克族主要住在南部。其他比較重要嘅民族計有:維吾爾族、塔吉克族、東干族、哈薩克族、克普恰克族欽察,重有小量朝鮮族、烏克蘭族同埋日耳曼人。
柯爾克孜人多數係穆斯林,伊斯蘭化嘅時間係8至12世紀。真正伊斯蘭化係18世紀,當時吉爾吉斯人俾准噶爾趕到天山,受浩罕汗國統治而伊斯蘭化。但吉爾吉斯人重保持住對薩滿教、萬物有靈同埋騰格里信仰。同哈薩克一樣,部落頭人比毛拉權力大。柯爾克孜人南部伊斯蘭化啲,北方就俄化啲。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.