史察福
From Wikipedia, the free encyclopedia
史察福(英文:Stratford,又譯斯特拉福特[1]、史翠福[2]),係英國倫敦嘅一個地方,係倫敦紐咸區嘅一部分。史察福位於倫敦查令十字以東北六英里(十公里),係倫敦都市規劃藍圖其中一個核心。史察福火車站係東倫敦重要嘅交通樞紐。
史察福本來係一條農村,隸屬雅息士郡。1839年,鐵路網開到史察福,將史察福變成一個工業區。二十世紀中,史察福成為韋斯咸區嘅政經中心。1965年大倫敦成立,將史察福納入範圍之內。近年,史察福由工業區轉型做商業、文化區,並喺2005至2011年間大規模重建,將荒廢咗嘅工業用地變成2012年倫敦奧運主場伊利沙伯奧運公園。