可否證度(粵拼:ho2 fau2 zing3 dou6 / 英文:falsifiability),又或者叫可證偽度,係科學哲學上嘅一個概念,係大部分科學理論必需要有嘅一個特質。如果話一個理論可否證(falsifiable),意思即係指會個理論會作出一啲可以用實證嚟驗證(睇吓佢係咪真確)嘅預測[1][2]。
攞句陳述,求知者可唔可以想像得到有最少一個可能嘅情況,個情況係一旦發生咗就會證實嗰句陳述係一個錯誤嘅預測?
廣義上,可否證度包括「個理論係咪會作出驗證到嘅預測」同埋「驗證預測要做嘅工序係咪可行」。