可卡因

可卡因（Cocaine）係一種當今世上成日見嘅毒品，由可卡（Coca）葉提煉出嚟。可卡因會令人上癮，重會嚴重影響神經系統、令血管收縮、令瞳孔擴大同令到心跳唔正常。

可卡因化學結構

歷史

• 最早係亞美利哥·維斯普慈喺1499年寫下佢對於𡁻可卡因嘅印象，呢個係歐洲人最早嘅相關記載。喺佢眼中，原住民兩頰塞滿奇怪嘅草藥，反芻噉𡁻唔停，實在係佢見過最醜陋最野蠻嘅人。
• 1855年，德國化學家斐德烈首度喺可卡葉裏面提取出麻藥成份，並命名為「Erythroxylon」。四年後，斐德烈嘅同事紐曼（A.Newman）又精製出更高純度嘅物質，替名為「可卡因」（Cocaine）。首部以可卡樹為研究嘅藥用書喺1859年出版。
• 1860年，已有醫生由可卡葉中提煉出可卡因，並用嚟做醫學用嘅麻醉藥品。
• 1880年代初期，化學家馬林安尼發明含有可卡因嘅藥酒，呢種藥酒被認為係可口可樂嘅前身。
• 1884年，著名嘅心理學家佛洛伊德推薦使用可卡因來作為酒精同嗎啡上癮嘅替代藥品。
• 1886年問世嘅可口可樂，含有微量可卡因，不過可口可樂後於1906年排除咗呢個配方。
• 2009年時，紅牛能量飲品曾被台灣及香港驗出有微量可卡因成份，但唔會影響人體。