From Wikipedia, the free encyclopedia
南村萬博站(粵拼:naam4 cyun1 maan6 bok3 zaam6;英文:Nancun Wanbo Station)係廣州地鐵7號綫同18號綫嘅轉車站,喺番禺區南村鎮,漢溪大道東近萬博一路同萬博二路之間嘅中間位。不過兩個站廳同月台範圍嘅開放時間都唔同,其中7號綫喺2016年12月28號開放,而18號綫喺2021年9月28號開放。
南村萬博 NANCUN WANBO | |
File:NaamCyunMaanBokZaam WORD for Line 18.jpg | |
南村萬博站(18號綫)嘅中英文站名 | |
概覽 | |
---|---|
車站代碼 | 706 1804 |
位置 | 番禺區南村鎮,漢溪大道東近萬博一路同萬博二路之間嘅中間位。 |
座標 | 23°0′17.03″N 113°20′52.55″E |
車站色 | 7號綫: (玻璃) 18號綫: (焗漆) |
經過路線 | 7 18 |
啟站 | 7號綫:2016年12月28號 18號綫:2021年9月28號 |
月台數 | 3 |
站口數 | 7 |
營運資訊 | |
車站服務時間 | 06:07~23:59 |
列車服務時間 | 06:12~23:54 |
廣州地鐵7號綫 美的大道 ◄漢溪長隆 (2.2km) (2.4km)員崗► 大學城南 | |
廣州地鐵18號綫 萬頃沙 ◄番禺廣場 (9.4km) (4.9km)沙溪► 冼村 |
呢個站既係廣州地鐵入面,第二個站內收費區同時有兩個廁所嘅車站,又係廣州地鐵開通快慢車路線[註 1]有史以嚟,第一組俾快車掟低嘅轉車站[註 2]。
呢個站一共有2層樓嘅地下區域,其中地下1樓係起緊嘅商業中心;地下2樓係站廳同起緊嘅商業中心,車站入面有票務設施,客務中心同商鋪;地下3樓係7號綫月台。雖然車站冇休息室,但有兩個廁所,分別喺7號綫月台西邊同埋18號綫月台北邊;而母嬰室喺18號綫月台北邊嘅女廁隔籬。
地下 1樓 |
地下商業街 | |
地下 2樓 |
7站廳 | 站廳、售票機、客服中心、安檢設施 |
轉車通道 | 往返7號綫同埋18號綫 | |
緩衝平台 | 往返地下商業街 | |
地下 3樓 |
18站廳 | 站廳、售票機、客服中心、安檢設施 |
2月台 | ←7號綫列車去漢溪長隆站(行美的大道嗰邊) | |
1月台 | 7號綫列車去員崗站(行大學城南嗰邊)→ | |
地下 4樓 |
18緩衝平台 | 車站設備 |
地下 5樓 |
← 18號綫列車去冼村站(快綫唔停站) | |
圍墻 | ||
3月台 | ← 18號綫列車去沙溪站(慢)(行冼村嗰邊) | |
4月台 | 18號綫列車去番禺廣場站(慢)(行萬頃沙嗰邊) → | |
圍墻 | ||
18號綫列車去番禺廣場站(快綫唔停站) → |
南村萬博站嘅站廳收費區喺車站中間偏東位,四圍俾過街通道圍住嗮。收費區有好多部扶手電梯、樓梯同專用𨋢往返月台。
呢個站有兩個島式月台。其中:7號綫喺漢溪大道中嘅地底,而18號綫喺番禺大道漢溪隧道東北邊隔籬(萬博商務區)嘅地底。
而18號綫因實行咗快慢綫,兩綫嘅列車行嘅軌道都唔同。其中慢綫列車喺車站埋邊嗰兩條軌道停站,而快綫列車直接喺車站開邊嗰兩條軌道飛站唔停。喺慢車到呢個站之後,若果下一班係快車兼馬上到呢個站飛站嘅話,慢車入面都有「而家係臨時停車,車輛設備安全」嘅反復廣播。不過因18號綫月台範圍有圍墻擋住,所以乘客喺月台範圍內睇唔到快車經過呢個站。
呢個站暫時冇任何商舖同自助服務。
南村萬博站冚唪唥嘅出入口 | ||||
---|---|---|---|---|
呢個站有7個出入口,分别係A、B同C、D、E1、E2,G。
冧巴 | 標記 | 方位 | 去到邊度 |
---|---|---|---|
7號綫站廳 | |||
出入口A | 番禺大道北 | 漢溪大道東 | |
出入口B | 漢溪大道東 | 漢溪大道東 | |
18號綫站廳 | |||
出入口C | 漢溪大道東 | 萬博一路、萬博中心巴士站(北行) | |
出入口D | 番禺大道北 | 天河城百貨奧特萊斯萬博店、南大路口巴士站(北行) | |
出入口E1 | 漢溪大道東 | 番禺大道北、萬博中心巴士站(南行)、錦繡香江巴士站(西行) | |
出入口E2 | 漢溪大道東 | 番禺大道北、地鐵南村萬博站(番禺大道)巴士站、錦繡香江巴士站(西行) | |
出入口G | 番禺大道北 | 萬博中心巴士站(北行) | |
註: 有盲人引導徑 | 有輪椅升降臺 | 有斜道 | 有𨋢 | 有扶梯 |
呢個站喺2003年嘅廣州地鐵規劃入面出現,位置就喺而家呢度,但嗰時定咗係鶴莊站嘅名。
喺2011年份地鐵規劃方案入面重未搞呢個站,後嚟爲咗配合南沙自貿區嘅發展同埋解決3號綫成日出現沙丁魚嘅事而提出整條地鐵[1][2],嗰時規劃喺冼村入面行,重經過番禺南村鎮一帶,期間亦規劃經呢個站。
呢個站喺7號綫開通初期淨得A同B兼有個冇名出入口(到天河城番禺南村店地下),夾埋3個出入口。因為車站周邊都係建築工地,嗰時兩個出入口都喺漢溪大道南邊,加上路面因地下空間施工而圍蔽,所以嗰時出入口都係臨時搭建,實際冇正規嘅出入口[4]。喺漢溪大道北邊周邊住啲客流成日出入站好麻煩,要喺A出入口出站後行超過400m,結果俾番禺南村鎮當地居民猛咁鬧[5]。直到2018年6月4號,地鐵方喺B出入口隔籬整咗條臨時通道而去到地鐵站北邊嘅萬達廣場等地[6]。2021年9月28號因18號綫開通,呢個站亦整咗C、D、E1、E2、G呢五個出入口。
呢個站係7號綫一期嘅三個文化站之一,喺站廳位整咗以「雅·築」做主題嘅文化藝術牆,主要內容以南村鎮嘅古建築同埋好多種古色古香嘅傢俬[7]。而部分柱面同牆面裝飾係以芭蕉葉、燕、船、古式傢俱、鑊耳屋頂等做主體。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.