協同和機器廠
From Wikipedia, the free encyclopedia
From Wikipedia, the free encyclopedia
大清宣統三年（1911年），何謂文、陳沛霖同陳拔挺、筛廣森四人夾手一齊喺芳村大沖口一帶搞咗工廠，最初，協同和自己整咗之後被嗌成「米磨二號」嘅輾米機，嗰時係廣州地區喺輾米機械方面嘅一項全新技術改革。由於臺輾米機輾出啲米又白又齊整，加上俾好多人歡迎，結果引起同行關注。同行嘅筛廣森參加投資重招攬外股，從而資金漲到三萬蚊大洋，而股東重多到廿幾人。
協同和後嚟改行做機械維修，重喺拍賣行買咗舊機器嚟翻新再賣出。民國四年（1915年）開始整柴油機，時隔一年又成功模仿英式70馬力船用二衝程柴油機。喺嗰時，中國大陸其它地方聞所未聞。跟住第二年，航商梁墨緣等廿幾間航運公司同米機廠啲波士一齊加入協同和股份，從而股東多到百幾人。由於佢有咁多錢，所以生產規模好快擴大咗，用咗廿八完大洋買咗新式錘床、車床、試驗台等設備，重起埋木樣間等工場。同年重成功整咗100馬力柴油機。第一次世界大戰喺1919年結束後，外國機械工業又開始發展得好快，之前㷫咗無耐嘅協同和嘅生意開始下降，逼住靠維修同幫人客裝機械嚟謀生，重根據航商提意見而修改，令機械完善咗好多。結果工廠工業重新受到關注。佢唔單止出輾米機同內燃機，重整埋榨油機、榨糖機同礦用機械等。
1931年，工廠出咗廿二萬大洋喺香港搞咗分廠，規模同廣州總廠差唔多。1938年日軍入侵廣州期間，大部分技術工人同機械分別搬到同被轉運到香港同海南島一帶，凈得返50部機器響度。1945年日軍投降之後，工廠幾經周折，以陳拔挺為首嘅先至收返工廠，喺解放戰爭前無耐先至有90幾位工人返嚟出內燃機、輾米機同榨油設備。但生產總值重低過1914年。
廣州解放之後，喺私營機械業當中，協同和算規模比較大，設備比較完善同有一定技術含量嘅機械工廠。嗰時整同維修柴油、煤氣發動機、輾谷機同抽水機同仿各式機床都俾人民政府大力支持咗。同時政府幫工廠出咗好多錢同訂咗好多貨。嗰時協同和接到嘅訂貨任務多籮籮，霸咗五分之四嘅生產總額，從而發展同恢復得好快。嚟工廠入面打工啲人去到超過300人。
1954年，工廠實行公私合營；1966年受到文革破四舊浪潮影響而改名做「廣州柴油機廠」，直到2005年全部搬走為止。後嚟工廠被改為創意藝術館，當年9月俾廣州市人民政府列入為市級登記文物，直到2008年12月19號被正式列為文物。而文物名改返舊時用過嘅「協同和機器廠」。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
