北京路步行街

北京路步行街（粵拼：bak1 ging1 lou6 bou6 hang4 gaai1）係中國廣東廣州嘅其一步行街。喺越秀區嘅北京路（大南路同文明路交界以北）入面。呢條步行街喺1997年2月20號開放，佢係廣州地區入面，繼上下九步行街之後嘅第二條步行街。呢個地方係古代起南海郡嘅所在地。值得一提嘅係，呢條步行街係廣州歷史以嚟，最犀利嘅商業集散地。另外，千年古道遺址就係喺呢條步行街入面。

北京路步行街嘅西湖路同埋北京路嘅交界位之間嚿紀念牌

史

其實北京路喺一早嗰陣，唔係步行街嚟嘅，嗰時周街都係車。後嚟到咗1997年2月，北京路先至變咗雙休日步行街，嗰時嘅星期六日凈係畀巴士入嚟，其他車都唔畀入。到咗1998年到2001年，北京路喺節假日嗰陣，都唔畀任何車行入嗰時嘅步行街（大南路同文明路交界以北，中山五路同中山四路交界以南）嗰度；到咗2002年1月1號，北京路正式變成而家嘅步行街^[1]。喺2014年10月16號甚至重向北延長到而家嘅廣東省財政廳（廣州大廈後門）嗰度^[2]。

註

1. （中文）千年古道，繁華盛世--廣州北京路今貌 互聯網檔案館嘅歸檔，歸檔日期2009年4月23號，.，喺2009年4月16號搵到
2. 北京路北段今起变身步行街 互聯網檔案館嘅歸檔，歸檔日期2014年10月16號，. 羊城晚报 2014年10月16號 A9版