光孝路 (廣州)

光孝路（粵拼：gwong1 haau6 lou6）係中國廣東省廣州市入面嘅其中一條一般嘅馬路，呢條馬路喺越秀區入面，成條馬路係南北走向。南邊從中山六路同埋紙行路嘅交界開始，一直向北去到淨慧路嘅光孝寺附近。

光孝路 GUANGXIAO LU

光孝路嘅道路方向標記牌

性質： 一般馬路 全長： 0.36公里 行車線： 雙向2車道 南向北嘅單行綫 地區： 廣州市越秀區 起點： 中山六路同埋紙行路嘅交界 終點： 淨慧路嘅光孝寺附近 主要建築： 光孝寺 光孝堂 捷泰廣場 光孝路小學

  呢篇文講廣州市嘅光孝路。想搵韶關市入面嘅光孝路嘅話，請睇光孝路 (韶關)。

概要

全長360米，闊8米，雙向2車道。成條路係單行綫，凈係可以從南邊向北邊行。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 中山六路、紙行路
• 淨慧路

史

其實呢條馬路喺古代嗰陣，係屬於廣州入面嘅其中一條巷仔。由於呢條街嘅最北邊有棟光孝寺響度先至改咗「光孝街」呢隻名。不過到咗民國19年（1930年），廣州市政府就整闊咗條光孝街，起咗條光孝路。喺文化大革命嗰陣，光孝路係嗌咗「紅書北路」呢隻名^[1]，到咗1983年，呢條路就重新改返原嚟之前嘅名，啫係依家叫「光孝路」。

特色

喺2006年，廣州電視台整嘅「和諧廣州，文明城市。」嘅公益廣告，入面啲字嘅粵語翻譯係「孝道，唔係凈係得光孝路」。

呢條路一般都係賣啲燒嘅松香同埋拜神啲嘢為主嘅。加上條路嘅北邊有棟光孝寺響度，重有好多間素食店同埋佛教用具檔口響度。喺2006年，廣州電視台整咗嘅其中一隻公益廣告（就係用到路名呢個）入面，就有講到光孝路呢條路，入面嘅宣傳標語就係「孝道，唔係凈係得光孝路。」（簡化字：孝道 不止光孝路）^[2]。

註

1. 1982年10月嘅廣東科技出版社出嘅交通安全手冊，第80頁同埋第81頁之間嘅路線圖
2. 〈"和諧廣州，文明城市"公益廣告〉。原著喺2012年10月24號歸檔。喺2014年4月15號搵到。