偽娘

偽娘（日文：男の娘／おとこのこ ^Otokonoko），又叫偽女、女裝少年、女裝男子，係日本文化入面指嗰啲打扮成女性外觀嘅男性。偽娘係ACG入面好常見嘅一種定型角色，喺呢啲作品入面嘅偽娘除咗用變裝，有時都會天生帶有啲傳統上被視為女性化嘅特徵。

陳智恒好似一名偽娘

偽娘通常喺生理上同心理認同上都係男性，如果係跨性別女性、變性人、雙性人等等，通常就唔會叫做偽娘。

偽娘社會背景係日本喺第二次世界大戰後女權主義嘅擴張同男性優越主義嘅縮減^[1]，加上日本泡沫經濟崩潰後長期嘅經濟衰退同勞動市場急劇放鬆規管，浮現出嚟嘅問題就係「男性嘅生活困難」^[2]。想著女裝嚟放鬆嘅現象，被視為21世紀初日本男性問題嘅映射（佐伯順子。《男性差別”社会の癒やし：女装男子の歴史と現在》 (日文)。頁 83。）。

真實世界

偽娘喺日本演藝圈唔係咩稀奇嘢，早喺17世紀嘅歌舞伎表演中，就有由男性演女角嘅「女形」。近代比較出名嘅有1950年代嘅美輪明宏^[3]。唔少日本樂團嘅成員都會扮偽娘，尤其係視覺系樂團，例如Versailles -Philharmonic Quintet-嘅前任同現任吉佢手 Jasmine You 同 Hizaki、Malice Mizer嘅吉佢手Mana、同埋和樂器樂團嘅貝斯手亞沙。

男性喺Cosplay時如果扮女性角色，叫做Crossplay，都係一種偽娘。

紐西蘭 偽娘 coser 結佳梨 yukari 扮演 緋彈嘅亞莉亞 中嘅女主角神崎· H·亞莉亞

虛構作品

80年代嘅偽女代表作係江口壽史嘅漫畫《停止！！雲雀》（ストップ!!_ひばりくん!）。大空雲雀就係日本漫畫界最早嘅偽娘，據講係因為江口老師想搞笑當時日本最流行嘅少年少女戀愛。呢套漫畫喺1981年開始連載，2010年發佈最終篇《ストップ!!ひばりくん! コンプリート・エディション》（小學館クリエイティブ），總共發行咗二十七年。

90年代嘅偽娘代表人物係小野敏洋作嘅漫畫《光碼戰士》（バーコードファイター），女主角係有棲川櫻（有棲川桜^{[註 1]}）。響《光碼戰士》第11話入面證實，有棲川櫻係一個有性別不安症嘅11歲少年：生理上係男性，但心理上係女性^[4]。同樣喺第11話入面，男主角虎堂烈（虎堂烈）話有棲川櫻唔係人妖：「佢嘅心理雖然係女人，但佢嘅身體係真真正正嘅男人！」^[5]《光碼戰士》喺呢種年齡層嘅漫畫月刊中，將偽娘作為女主角係相當大膽嘅做法；而喺有棲川櫻被證實係偽娘時，小野敏洋喺畫面左下角加咗個細小嘅畫格「描繪」，等讀者睇到嗰一頁時感到驚訝。有人話，佢見過有個男人知道有棲川櫻係男仔嘅時候「震驚過度」，瞓咗係地下。^[6]

2005年1月28號發售嘅十八禁漫畫《處女愛上姊姊》（処女はお姉さまに恋してる）主角叫宮小路瑞穗（宫小路瑞穂）。佢同2005年10月21號開播嘅《happiness!》（はぴねす!）配角渡良瀨定（渡良瀬定）被認為係千禧年代嘅偽娘代表人物。

註

1. 《光碼戰士》大然文化台灣中文版（以下簡稱大然版）單行本將有棲川櫻改譯為「有棲川櫻子」。

參考

1. 永山薫 (2014-04-09)。《エロマンガ・スタディーズ：「快楽装置」としての漫画入門》。ちくま文庫 (日文) (増補版)。筑摩書房。頁 154。ISBN 978-4480431691。
2. Kinsella, Sharon (2019-11-27). "Cuteness, josō, and the need to appeal: otoko no ko in male subculture in 2010s Japan". Japan Forum (英文). British Association for Japanese Studies. 32 (3): 453–454. doi:10.1080/09555803.2019.1676289.
3. Brian Ashcraft (2011-05-26). "What Is Japan's Fetish This Week? Male Daughters" (英文). Kotaku. 原著喺2019-04-16歸檔. 喺2019-04-16搵到.
4. 《光碼戰士》大然版單行本第2卷（大然文化1993年11月初版一刷，ISBN 957-725-943-X）第53頁左半部，有棲川櫻畫像右手邊嘅講明文字：「討厭鱈魚蛋嘅11歲。」
5. 《光碼戰士》大然版單行本第2卷（大然文化1993年11月初版一刷，ISBN 957-725-943-X）第142頁。
6. 《光碼戰士》大然版單行本第3卷 (大然文化1994年5月初版刷, ISBN 957-25-0680-3) 第48頁。