From Wikipedia, the free encyclopedia
側田（粵拼：zak1 tin4；英文：Justin Lo，1976年7月1號—），原名羅定偉[1]，側田係Justin嘅譯音，身高5英尺4英寸（163厘米）[3]，係一個香港歌手、詞曲作家同唱片監製，美籍華人，喺美國紐約出世。係左優[4]。
 |
| 側田 | |
|---|---|
 側田 | |
| 男歌手 | |
| 原名 | 羅定偉[1] |
| 英文名 | Justin Lo |
| 國籍 |  美國 |
| 永久居留權 |  香港 |
| 籍貫 | 廣東開平 |
| 出世 | 1976年7月1號 美國紐約 |
| 職業 | 歌手、詞曲作家、唱片監製 |
| 語言 | 粵語、英文、普通話、少少韓文 |
| 音樂類 | 粵語流行曲 |
| 演奏樂器 | 鋼琴、結他、爵士鼓 |
| 出道地 | 香港 |
| 代表作品 | 《Volar》 《好人》 《命硬》 《我有今日》 《Kong》 《情歌》 《男人KTV》 《三十日》 《無限大》 |
| 活躍年代 | 2005年－2011年，2012年－依家 |
| 唱片公司 | 金牌娛樂（2005年－2008年） 金牌大風（2008年－2011年） 寰亞唱片（2011年－2015年） |
| 經紀公司 | 金牌娛樂（2005年－2008年） 金牌大風（2008年－2011年） 寰亞傳媒寰亞藝人管理（2011年－2015年） 銀星藝人管理（2016年－依家） |
| 網站 | [2] |
佢喺美國紐約出世。2歲跟屋企人返香港。喺香港時喺聖保羅男女小學及中學讀書。1989年佢美國西雅圖繼續佢嘅中學生涯。佢曾經喺西雅圖華盛頓大學（University of Washington）讀書，2年後轉到羅德島設計學院（Rhode Island School of Design）主修平面設計，重喺1999年取得學位。畢業後，佢喺加州聖塔克萊拉（Santa Clara）嘅雅虎當網頁設計員。由於佢覺得喺雅虎嘅工作極之沉悶，所以決心返香港從事音樂工作，係爲咗佢嘅理想而回流。期間都爲Yahoo!做一啲短期工作。
佢出身喺音樂世家。佢嘅三叔羅尙正（Ted Lo）係香港編曲、監製同爵士樂鋼琴手。佢本身亦都係香港兒童合唱團同中小學校內合唱團嘅團員，由細對音樂產生濃厚嘅興趣。1981年，作曲家顧嘉煇曾經揾佢同佢嘅阿妹羅定潔Roxane爲一個芭比廣告唱歌。而佢喺一個AXE洗潔精嘅廣告入面演唱。除咗唱歌外，佢6歲就自己嘗試彈琴同作曲，10歲學結他。
喺返香港初期，佢曾從事自由設計行業，幾次自製demo音樂帶寄畀各大唱片公司，但成績唔好。直到2003年，佢嘅三叔羅尙正（Ted Lo）將佢介紹畀著名作曲人同監製雷頌德。佢都將側田簽入自己旗下嘅On Your Mark Ltd音樂創作公司。佢正式開始佢嘅音樂事業。曾經參加新秀，參賽歌曲係TANK嘅《專屬天使》。此外，佢曾經爲陳慧琳嘅歌曲監製，都喺衛蘭嘅《Day and Night》專輯擔任唱片監製。除監製外都爲古巨基編寫《大雄》同《傷追人》2首大熱歌曲。另外佢曾負責主唱商業電台節目《絕情谷》第一首主題曲同新城娛樂台《聯Fan BARcode》主題曲。
2005年，側田喺古巨基嘅《勁歌金曲演唱會》入面演出。喺清唱環節入面有好多讚賞，並得到「金牌經理人」黃柏高賞識，將佢簽入金牌娛樂事業有限公司，行到幕前，並以側田作爲藝名（側田源自其英文名Justin嘅粵語諧音）。佢獨特嘅唱腔再加上大衆化嘅情歌令佢成爲2005年炙手可熱嘅新人。當時佢嘅主打歌「好人」、「Erica」、「命硬」同「我有今日」大獲好評。佢重喺2005年年底嘅香港四大傳媒音樂頒獎禮入面攞咗所有新人男歌手嘅獎項。「（詳細見獎項）」
佢喺2005年推出首張唱片《Justin》。佢個人包辦超過一半歌曲嘅創作，首日銷量達15,000張，直至2006年2月10號爲止，銷量已達35,000張，銷量更達到金唱片嘅要求，重成爲2005年金牌唱片公司最暢銷嘅唱片之一。而根據統計，Justin大碟，直至2006年3月21號，銷量已達白金唱片嘅數字。
佢喺2006年3月26號喺香港體育館舉行《芝華士側田One Good Show個人演唱會》，演唱會門票喺2006年2月13號開售，10分鐘內即刻爆滿，唱片公司即刻宣佈加開2場《芝華士側田Two Good Shows個人演唱會》，喺4月18號同19號舉行。喺呢3場演唱會入面，佢除咗大展歌喉外，重喺中段加上跳舞環節，令人耳目一新。喺首場演唱會嘅前2日，佢推出佢第2隻嘅個人專輯《No Protection》，大碟主打歌《Volar》、《Kong》、同《決戰二世祖》都係大熱；直至2006年5月為止，銷量亦已達30,000張，係佢第2隻獲得金唱片嘅個人專輯。[5]《芝華士側田One Good Show！演唱會》重攞咗2006年新浪樂壇民意指數頒獎典禮嘅「我最喜愛演唱會」大獎。
佢喺2006年以男主角身份拍攝電影《戀愛初歌》，票房幾好。而佢爲該電影主唱嘅主題曲《情歌》，喺2006年各大頒獎典禮入面獲得多個獎項。由於箇年佢嘅演唱會表現、唱片銷量同佢嘅人氣都十分理想，令佢初奪「叱咤樂壇男歌手」銅獎同「新城勁爆男歌手」三甲之一。佢由初出道時嘅「最佳男新人」，到打入「最佳男歌手」三甲之一，只係用咗短短一年嘅時間。
佢喺2007年2月8號至11號喺香港體育館紅館舉行《港樂‧側田演唱會》（HKPO & Justin Live in love with the philharmonic Live）。佢係眾多同港樂（香港管絃樂團）合作嘅歌手入面年資最淺嘅一個。港樂揀選合作嘅流行歌手一直都嚴謹，港樂好欣賞佢嘅創作才華同對音樂嘅觸覺，希望藉住呢次同佢合作，將嚴肅嘅管弦樂注入新嘅元素，喺2月14號情人節前夕帶畀觀眾，特別係後生嘅一羣，令佢哋感受到管弦樂新鮮同卓越嘅一面。
佢喺2007年推出籌備一年幾嘅第3張個人專輯《JTV》，收錄咗14首中英文同國語歌曲。JTV嘅製作比從前嘅大碟重嚴謹認眞，該碟主打歌「男人KTV」，由胡彥斌同甄健強等參與曲詞。呢首歌曲喺派台後一個月，喺亞太區各地嘅卡啦OK中點播率超過200萬次。直至2007年11月18號爲止，JTV銷量都達20,000張，成爲佢第3隻獲得嘅金唱片嘅個人專輯。而佢重成功憑《男人KTV》喺2007年度香港嘅4大音樂頒獎典禮入面，佢攞咗其中一個所有十大歌曲獎。
佢喺2008年10月1號至7號喺香港國際展貿中心—Star Hall舉行第3次大型個唱《Air Justin 08 Live》，喺演唱會前重推出年度大碟《阿田》爲箇次演唱做勢。喺呢7晚嘅演出中，佢除咗一貫唱出佢嘅大熱作品外，重加入咗跳舞同小型音樂劇嘅環節[6]。此外，佢喺演唱會入面加插咗一段搖滾音樂嘅表演，有好多讚賞。佢出道4年內3次舉辦個唱，呢個數字咁頻密係香港樂壇嘅歌手當中比較罕見。《阿田》入面嘅主打歌《三十日》，好受歡迎，有傳呢首歌係爲前緋聞女友林苑創作。
2009年頭，佢回歸電影同製作音樂事業上，拍攝電影《保持愛你》，重爲電影創作插曲《無言無語》，同埋推出個人首張精選大碟《From JUSTIN － Collection of His First 3 years》。此外，佢不斷到國內外舉行音樂會，個人嘅知名度喺國內漸漸提高，重有機會爲國內重點電影《機器俠》唱作主題曲。佢係圈中歌手，包括方力申、蔡卓妍、李克勤等創作歌曲，結果都順利攞到幾個佢一直渴望擁有嘅唱作人獎。
2010年，佢再推出粵語專輯《我沒有變過 愛的習慣》，其中主打歌《無限大》、《合唱歌》同《愛的習慣》好受歡迎。 箇年年底，佢推出新歌《Saranghae》，韓文嘅意思係我愛妳，係爲佢嘅韓國女友創作。另一方面，傳媒報導咗佢同日本模特兒嘅緋聞，令佢大受打擊，產生咗離開香港嘅主意[7]。2011年，佢喺1月27同28號喺紅館開第3次演唱會，重表示之後將會移居中國北京，去中國內地發展，暫別香港樂壇。一方面係韓國女友住喺北京，另一方面係佢厭倦香港傳媒同想轉換新環境，所以北上搵唔同嘅發展[8]。2011年暫別香港樂壇後，就移居北京做新嘅創作基地。喺大陸陣時，佢爲電視劇《小兒難養》演唱插曲《你的海》。
2012年頭，佢以千萬薪酬加盟寰亞娛樂，同一眾舊金牌戰友楊千嬅同蘇永康等重聚[9]。2012年11月，佢𠹺伏一年再度發聲，首次國語創作單曲《很想很想說再見》。喺2012年就嚟完陣時，佢揀咗國語作做創作主力。佢喺2011年初宣佈暫別香港地區，再喺2013年初再戰香港樂壇，整整2年嘅時間。2013年2月，再戰樂壇佢由舊年加盟寰亞音樂之後，一直積極咁喺籌備加盟新公司後嘅首張個大碟，同乘勢再踏紅館舞台，5月舉行個人演唱會，叫「側田命硬世界巡迴演唱會（香港站）」，佢希望同香港一樣一有唔死精神，所以佢將其中一首歌曲《命硬》做演唱會嘅主題。由於5月嘅演唱會反應熱烈，所以佢喺8月再開一場「繼續命硬」演唱會。
踏入2014年，佢正式專心將工作集中喺香港，先後推出粵語單曲《一粒糖》同《I MISS LOVE》。《I MISS LOVE》係側田同韓籍女友分手後嘅心聲。8月，佢重聯同劉浩龍爲TVB劇集使徒行者演唱主題曲《行者》。2015年6月5號同6號舉行「側田WeTouch LIVE 2015世界巡迴演唱會-香港站」；同時再度推出廣東大碟「Never Odd Or Even」，係適合細路同成年人聽爲創作概念專輯。2016年8月13號，喺大馬舉行全新首站演唱會《Heads Up巡迴演唱會 – 大馬站》10月，參加江蘇衛視《蒙面唱將猜猜猜》第4、5、6期節目。
2017年2月，加盟湖南衛視《歌手2017》、爲第二位挑戰歌手，喺第三輪補位賽憑住《命硬》一曲以平票第四名挑戰成功，跟住喺第三輪遭到淘汰，之後喺突圍賽演唱《停格》以第十名突圍失敗。
佢喺2006年初被香港八卦雜誌一本便利（現稱FACE）記者偷拍到同新晉女歌手林苑一齊喺側田寓所。雜誌重以封面報導宣稱係側田嘅脫帽照。偷拍照顯示側田頭頂頭髮稀疏，呈地中海同M字額等跡象。便利遂大造文章，事件引起軒然大波。前「金牌經理人」黃柏高對此震怒，旋即向該雜誌發出聲明，同召開記者會高調譴責呢次事件。黃柏高重召集當時喺金牌娛樂當紅藝人古巨基同楊千嬅爲側田撐場支持，聲明同記者會冇對雜誌所報導嘅相關內容作出正面解釋，剩係對藝人應有嘅自由作出維護，譴責雜誌行爲唔當，破壞樂壇新人嘅未來。而2位當事人都拒絕承認彼此有或發生過任何關係。但自此以後，佢嘅緋聞另一半就剩係得林苑一人。偷拍事件發生喺側田宣佈舉行首次紅磡體育館個人演唱會之後，本來外間對一位新人喺紅館開演唱會，普遍唔存厚望，但此事件就多少爲當時嘅側田帶來更多注目、人氣同支持，結果演唱會成績好好，重要宣佈加場。佢喺呢件事發生前已宣傳佢第一個個人演唱會時，已宣佈屆時將會以脫帽作招徠，吸引觀眾。自言天生頭髮孿嘅佢出道後一直戴上各式各樣嘅帽子示人。偷拍事件發生後，懷疑禿頭照曝光，結果佢喺演唱會中並冇履行除帽諾言。
2009年9月23號，同喺歌壇叫兄弟嘅曹格，前後腳喺中環卑利街一間酒吧消遣，期間曹格喺酒意下於酒吧入面同人起衝突，繼而動武，側田勸交。之後2人上的士離開時，曹格突然落車重攞起並揮舞鋒利路牌圖施襲，同起飛腳踢車入面嘅人，由於記者聽到車廂入面傳來一聲慘叫，疑側田被踢中下體受傷，好彩被友人阻止，先避免進一步發生流血事件。翌日曹格睇媒體報導驚覺事情嚴重，召開記者會解釋同道歉，重表示如果警方有需要，唔理人喺邊度，都會全力配合調查[10][11]。而側田因同曹格爭執過程中帽子落地，結果呢次事件之後卒之喺TVB某綜藝節目中脫帽示人。
喺香港體育館（俗稱「紅館」）舉辦個人演唱會，一直都係唔少香港歌手嘅奮鬥目標，而通常歌手要喺歌唱事業上累積一定成就後先會有呢個機會。
2006年2月，側田宣佈即將喺3月開辦個人演唱會，即距離佢首張專輯推出僅4個月後，呢位新晉歌手而言乃前所未有，惹來唔少輿論。雖然佢喺出道前一直從事歌曲創作，但屬於佢嘅個人作品喺當時剩係有《Justin》專輯入面嘅10首歌，所以佢受外間質疑夠唔夠歌唱。結果演唱會門票好受歡迎，喺10分鐘入面即刻賣嗮，唱片公司重宣布加開2場，可謂係佢出道後迅速踏上紅館舞台之舉寫上圓滿結局。
收尾Soler仿傚側田「一碟上紅館」嘅大膽舉動，都成爲另一個新人喺紅館開演唱會嘅成功例子。
| 派台歌曲成績 | ||||||
|---|---|---|---|---|---|---|
| 唱片 | 歌曲 | 903 | RTHK | 997 | TVB | 備註 |
| 2005年 | ||||||
| Justin | 好人 | 13 | 1 | 6 | 7 | 首支冠軍歌 另派An Average Guy版本 |
| Justin | Erica | 2 | 3 | 2 | 5 | |
| Justin | 命硬 | 2 | 2 | 2 | - | |
| Justin | 我有今日 | 1 | 1 | 1 | - | 首支三台冠軍歌 |
| 2006年 | ||||||
| Justin | 我不是好人 | 17 | 8 | 6 | - | |
| No Protection | Volar | 10 | 1 | 1 | - | |
| No Protection | Kong | - | 11 | - | - | |
| No Protection | 決戰二世祖 | 6 | 6 | 7 | - | |
| No Protection（Dual Disc Version） | 橙色暑假 | - | 1 | - | - | 與楊千嬅合唱 |
| No Protection（Dual Disc Version） | 感動 | - | - | - | 2 | |
| 戀愛初歌電影原聲大碟 | 情歌 | 2 | 1 | 1 | 1 | 三台冠軍歌 |
| No Protection | 情永落 | 8 | - | - | - | |
| JTV | 頭條新聞 | - | - | - | - | |
| 2007年 | ||||||
| In Control | 山歌 | 1 | 6 | 1 | - | 與吳雨霏合唱 |
| JTV | 一句 | 1 | 3 | 5 | 3 | |
| JTV | 男人KTV | 1 | 1 | (1) | 1 | 首支四台冠軍歌 |
| JTV | 紅地氈 | 1 | 2 | 8 | - | |
| 2008年 | ||||||
| JTV | 卡通歌 | - | - | 3 | - | |
| 阿田 | 未輸 | 14 | 3 | - | 2 | |
| 阿田 | 三十日 | 1 | 1 | 2 | 3 | |
| 阿田 | 雲 | - | 6 | - | - | |
| 2009年 | ||||||
| From Justin – Collection of His First 3 Years | 無言無語 | 1 | 3 | 1 | 2 | 電影《保持愛你》主題曲 |
| From Justin – Collection of His First 3 Years | B.O.K. | 1 | 1 | 2 | 1 | 三台冠軍歌 |
| Chelsea | 星火 | - | - | 5 | - | 與唐素琪合唱 |
| 2010年 | ||||||
| 我沒有變過 愛的習慣 | 無限大 | 7 | 1 | 1 | 1 | 三台冠軍歌 |
| 我沒有變過 愛的習慣 | 愛的習慣 | 2 | 1 | 3 | 1 | |
| 我沒有變過 愛的習慣 | 合唱歌 | 10 | 1 | 3 | - | 與G.E.M.合唱 |
| 我沒有變過 愛的習慣 | 原來你什麼都想要 | - | - | 3 | - | |
| 金牌10年精選系列 側田 | Saranghae | - | 5 | 1 | 1 | |
| 2011年 | ||||||
| GongXiFaCai Song | 18 | - | - | - | ||
| 2012年 | ||||||
| 硬仗 | 很想很想說再見 | 15 | - | 2 | 2 | |
| 2013年 | ||||||
| 硬仗 | 硬仗 | - | - | 3 | - | |
| 硬仗 | 風從哪裡來 | - | - | - | - | |
| 硬仗 | 爽 | 4 | 1 | 4 | 2 | |
| 紅地氈（Live Version） | - | - | - | - | 側田命硬演唱會2013 Live版本 | |
| 2014年 | ||||||
| Never Odd Or Even | 一粒糖 | 2 | 6 | 2 | - | |
| Never Odd Or Even | I Miss Love | 2 | 2 | 1 | 1 | |
| Never Odd Or Even | Three Two One | 1 | 1 | 1 | - | 三台冠軍歌 |
| 2015年 | ||||||
| Never Odd Or Even | WeTouch | 2 | 8 | 4 | 1 | |
| 出口 | - | - | - | - | 同李思捷合唱 無綫電視劇《以和為貴》主題曲 | |
| Never Odd Or Even | 歌成就今天這個我 | 14 | 9 | 2 | - | |
| Never Odd Or Even | 命書 | - | - | - | - | |
| 2016年 | ||||||
| 幸福止痛 | 1 | 3 | 1 | 4 | 跨年上榜 | |
| 2017年 | ||||||
| Heads Up Phones Down | 3 | 4* | 6* | - | Featuring Dough-Boy | |
| 各台冠軍歌總數 | ||||
|---|---|---|---|---|
| 903 | RTHK | 997 | TVB | 備註 |
| 10 | 13 | 11 | 8 | 四台冠軍歌總數：1 |
《{{{Name}}}》
| 創作部分 | 發表年份 | 演唱歌手 | 歌曲 |
| 作曲 | 2003年 | 古巨基 | 決戰十一 |
| 胡彥斌 | 目不轉晴 | ||
| 2004年 | 古巨基 | 大雄、傷追人 | |
| 許志安 | 失眠都要睡 | ||
| 陳慧琳 | 小女人 | ||
| 鄧健泓 | 門外看 | ||
| 黎明 | 無痛失戀、我是否還愛妳、不可一世 | ||
| 應昌佑 | 我是否還愛妳 | ||
| 2005年 | 古巨基 | 夢中人、明星、最終幻想 | |
| 楊千嬅 | 唯有愛隨身 | ||
| 劉浩龍 | 二等天使 | ||
| 應昌佑 | 逢星期四 | ||
| 應昌佑 Feat. 衛蘭 | 24 | ||
| 2006年 | 古巨基 | 約定你 | |
| 陳慧琳 | 面紅 | ||
| 楊千嬅 | 有過去的女人、亦舒說 | ||
| 鄭融 | 想入非非 | ||
| 關楚耀 | 十年樹木 | ||
| 2007年 | Oscar | 大男人 | |
| 古巨基 | 一刻永恆 | ||
| 楊千嬅 | 半邊天 | ||
| 2008年 | 蘇永康 | 蒲界耶穌 | |
| 2009年 | 方力申 | 匆匆 | |
| 李克勤 | 萬年孤寂 | ||
| 側田、唐素琪 | 星火 | ||
| 2010年 | 周麗淇 | 搖籃曲 | |
| 劉浩龍、應昌佑 | 嬲 | ||
| 蔡卓妍 | 放手 | ||
| 2011年 | 古巨基 | Once Upon A Time | |
| 陳僖儀 | Crazy Love | ||
| 鄭融 | 四季 | ||
| 2012年 | Twins | 大過天 | |
| 2013年 | 薛凱琪 | 諸葛亮 | |
| J.Arie | 青春期 | ||
| 2014年 | C AllStar | 時日如飛 | |
| 尹子維 | 潛規則 | ||
| 2015年 | 梁漢文 | 一路走來 | |
| 古巨基 | 我與你 | ||
| 范振鋒 | 膊頭 | ||
| 2017年 | Dough-Boy | 天空之城 | |
| 連詩雅 | 不意外的意外 | ||
| 填詞 | 2004年 | 衛蘭 | In Love Again、不可一世（X'mas Version） |
| 2005年 | Chocolate Ice、Sugar In The Marmalade、My Eyes Don't Lie、 2004、Love Me Accapella、Superman（雙雄）、 Long Distance | ||
| 2017年 | Dough-Boy | 天空之城 | |
| 編曲 | 2004年 | 古巨基 | 大雄、傷追人 |
| 梁漢文 | 夠朋友、最悲哀的事、祝你旅途愉快、三千年開花 | ||
| 許志安 | 失眠都要睡 | ||
| 陳慧琳 | 小女人 | ||
| 衛蘭 | In Love Again、不可一世、不可一世（X'mas Version） | ||
| 鄧健泓 | 門外看 | ||
| 應昌佑 | 我是否還愛妳 | ||
| 2005年 | 衛蘭 | 情深說話未曾講、Chocolate Ice、Sugar In The Marmalade、 夏日傾情、My Eyes Don't Lie、2004、Love Me Accapella、 Superman（雙雄）、Long Distance | |
| 應昌佑 Feat. 衛蘭 | 24 | ||
| 2006年 | 陳慧琳 | 面紅 | |
| 楊千嬅 | 有過去的女人、亦舒說 | ||
| 2008年 | 古巨基 | 年年有今日 | |
| 蘇永康 | 蒲界耶穌 | ||
| 2009年 | 方力申 | 匆匆 | |
| 2010年 | 周麗淇 | 搖籃曲 | |
| 2011年 | 古巨基 | Once Upon A Time | |
| 陳僖儀 | Crazy Love | ||
| 2015年 | 梁漢文 | 一路走來 | |
| 監製 | 2004年 | 古巨基 | 大雄、傷追人 |
| 梁漢文 | 夠朋友 | ||
| 衛蘭 | In Love Again、不可一世、一夜傾情、 不可一世（X'mas Version） | ||
| 2005年 | 劉浩龍 | 二等天使 | |
| 衛蘭 | 情深說話未曾講、Chocolate Ice、Sugar In The Marmalade、 夏日傾情、My Eyes Don't Lie、2004、Love Me Accapella、 Superman（雙雄）、Long Distance | ||
| 2006年 | 楊千嬅 | 有過去的女人、她成功了他沒有、亦舒說 | |
| 2009年 | 方力申 | 匆匆 | |
| 側田、唐素琪 | 星火 | ||
| 2010年 | 周麗淇 | 搖籃曲 | |
| 2011年 | 陳僖儀 | Crazy Love | |
| 2014年 | C AllStar | 時日如飛 | |
| 尹子維 | 潛規則 | ||
| 2015年 | 梁漢文 | 一路走來 | |
| 和唱 | 2003年 | 陳慧琳 | 佛洛依德笑我、邱比特笑了 |
| 2004年 | 古巨基 | 大雄、傷追人 | |
| 梁靖琪 | 望星打卦 | ||
| 許志安 | 失眠都要睡、學行、踏步 | ||
| 許志安 Feat. 葉德嫻 | 美中不足 | ||
| 陳慧琳 | 紙醉金迷、完美關係、小女人、完美關係 (國) | ||
| 衛蘭 | 不可一世、一夜傾情、不可一世（X'mas Version） | ||
| 2005年 | 陳慧琳 | 自由、放 | |
| 楊千嬅 | Single | ||
| 衛蘭 | 情深說話未曾講、Chocolate Ice、Sugar In The Marmalade、 夏日傾情、2004、Love Me Accapella、Long Distance | ||
| 2016年 | 吳業坤 | 被單身的人 | |
| 2017年 | 連詩雅 | 不意外的意外 |
2017年2月，加盟湖南衛視《歌手2017》、為第二位挑戰歌手，喺第三輪補位賽憑住《命硬》以第四名挑戰成功，跟住喺第三輪遭到淘汰，之後喺突圍賽演唱《停格》以第十名突圍失敗。
歌手2017 側田競演排名 | |||||||||
| 期數 | 輪數 | 播出日期 | 演唱歌曲 | 原唱 | 排名 | 得票率 | 得票數 | 出場序 | 備註 |
| 5 | 第三輪補位賽 | 2月18號 | 《命硬》 | 側田 | 4 | 11.21% | 161 | 9 | 挑戰成功 個人最高排名、得票率同得票數 |
| 6 | 第三輪淘汰賽 | 2月25號 | 《很想很想說再見》 | 側田 | 7 | 5.43% | 80 | 4 | 第三輪兩場總成績第7名 |
| 7 | 第四輪排位賽 | 3月4號 | 《Thinking Out Loud》 | Ed Sheeran | 返場表演 | 2 | — | ||
| 11 | 突圍賽 | 4月1號 | 《停格》 | 蔡健雅 | 10 | 3.36% | 67 | 7 | 突圍失敗 個人最低排名、得票率同得票數 |
2007年
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
