個體為本模型
From Wikipedia, the free encyclopedia
個體為本模型(粵拼:go3 tai2 wai4 bun2 mou4 jing4;英文:agent-based model,ABM)係電腦模擬上會用到嘅一種運算模型。一個 ABM 會建立一大柞虛擬嘅個體,每個個體都會跟某啲法則嚟行動,而研究者做呢種模擬嘅目的就係想測試「如果啲個體按噉噉噉嘅法則行動,佢哋整體會出現噉噉噉嘅現象」嘅假說[1][2]。
舉個例說明,想像家陣有位生物學家想研究一群蜜蜂之間嘅互動,佢寫個程式,個程式會[3][4]
- 設若干()隻虛擬嘅蜜蜂個體;
- 設定好每個個體都會按某啲法則(用符號 代表)行事,個體之間可以有差異;
- 行若干時間,睇吓喺噉嘅情況下,蜜蜂群整體會唔會出現佢預想中嗰種現象,
- 如果會,佢就可以話「法則 能夠可以解釋呢樣蜜蜂相關嘅現象」。
ABM 呢種研究方法常用於生態學同社會科學:呢啲領域研究都成日會研究一大柞嘅個體-好似係人或者第啲動物呀噉-分別噉做決策,仲有係研究呢啲個體決策點樣引致一啲整體嘅現象[5],而 ABM 仲造就咗唔少重大嘅發現[6][7],例子可以睇吓重複監犯困境噉。
以下嘅內容,假設讀者已經識嗮程式編寫嗰啲基本概念。