佛山沙堤機場

23°04′57″N 113°04′15″E

佛山沙堤機場

佛山沙堤機場（IATA代碼：FUO；ICAO代碼：ZGFS）係中華人民共和國廣東省佛山市嘅一座機場，俗稱佛山機場、沙堤機場，由中國聯合航空投資建設同埋獨家營運^[1]。原本係軍用機場，1985年開始開通民航，2002年又停飛。到2009年11月18號又恢復咗飛去北京南苑機場嘅民用航班^[1]。

概要

沙堤機場喺1954年建立，2002至2009年間曾經停止咗民航服務進而改造成軍用機場，2009年又恢復民航，係珠三角地區繼廣州白雲國際機場、深圳寶安國際機場、珠海金灣機場之後嘅第四個民用機場。

沙堤機場嘅從新開啟係主要為咗緩解廣州白雲國際機場空域資源緊張造成嘅供求矛盾，所以中國聯合航空再次獨家使用停航已經7年嘅佛山沙堤機場。由於沙堤機場係屬於軍民合用機場，機場建設受到限制，因此被譽為中國最細嘅民航機場。2013年10月，佛山市政府關於現時沙堤機場嘅局限性問題提出咗要新建一個佛山機場，並且想將佢打造成為「廣州第二機場」，新機場項目已進入選址前期研究嘅階段。

發展歷史

1953年，中共佛山市委組織3500名村民協助空軍修建佛山沙堤機場。

1954年，佛山沙堤機場起好，係用作軍用機場。

1987年1月21日，首架民航飛機喺佛山沙堤機場試飛。

1988年，佛山沙堤機場正式開通民航服務，並且成立中國聯合航空有限公司佛山分公司^[2]。

2002年10月31日24時打後，佛山沙堤機場停止民航服務，改為軍用機場。

2009年11月18日，佛山沙堤機場民航服務重新開通，機場經過改建裝修之後成為4C級軍民兩用國內支線機場。

航點

已停辦航點

海口、長沙、南寧、三亞、無錫、西安

計劃航點

重慶、青島、張家界

交通

公路

• 經沈海高速廣州支綫、佛山大道連接機場路
• 禪西大道

公共巴士

• 116：務莊市場－佛山機場－東平大橋公交樞紐站
• 180：果房路－佛山機場－沙坑村
• 219：官窑車站－佛山機場－新西樵車站
• 桂31：下柏－佛山機場－南海萬科廣場
• 南高31：樂城公園－佛山機場－蘆塘新村總站

市內機場快線

• 瀾石候機樓：禪城區石灣鎮街道魁奇路（¥35，每20分鐘/班）
• 大瀝候機樓：南海區大瀝鎮巴黎春天步行街（¥15，每30分鐘/班）
• 大良候機樓：順德區大良街道興順路（¥50，每20分鐘/班次）
• 北滘候機樓：順德區北滘鎮G105國道北滘碧桂園（¥50，每20分鐘/班）

地鐵、鐵路

• 佛山地鐵3號綫（起緊）設有佛山機場站，預計喺2018年年底起好。

參考

1. 〈佛山機場今日正式復飛 11：40首個航班KN2267赴京〉。廣州日報。2009-11-18。
2. 〈佛山机场(组图)〉。《搜狐新闻》。2013-07-03。