佛圖寺塔
From Wikipedia, the free encyclopedia
25.6165°N 100.2037°E / 25.6165; 100.2037
佛圖寺塔,又叫做蛇骨塔,係雲南大理州大理市下關街道(中文:下关街道 (大理市))陽平村北部蒼山馬耳峰腳一座塔。呢座塔喺南詔勸豐祐時期起,相傳係為咗紀念嗰時嘅除蟒英雄段赤城。又因為起喺佛圖寺前邊,就叫做佛圖寺塔,不過間寺經已冇咗[1]。
佛圖寺塔嘅建築年代以及建築形式,同崇聖寺三塔嘅主塔千尋塔大致一樣。佛圖寺塔有30.07米咁高,係十三級密檐式方形空心磚塔,塔座係兩層台基。第一層至第四層,塔檐高度基本相同,每級60至70公分。第五層至第十二層每一層亦都咁上下高,大概係50至55公分。塔內壁中空,筒狀,由地面到第十二層都係通窿嘅。塔身每面都砌咗佛龕。塔剎由葫蘆寶傘及銅鈴組成。塔門係方形洞門,門用橫木做梁。成座塔造型古樸,有南詔時期佛塔嘅典型風格[1]。