香港女歌手、社運人士 From Wikipedia, the free encyclopedia
何韻詩(Denise Ho Wan See,1977年5月10號—)係香港歌手、專欄作家同演員。1996年贏咗第十五屆新秀歌唱大賽。佢2012年承認自己係同性戀[1]。
之後響新秀歌唱大賽海外區嘅選拔賽贏到獎;1996年,佢返香港參加第十五屆新秀歌唱大賽,兼贏埋冠軍,而頒獎人正正係佢嘅偶像梅艷芳。但係歌唱比賽後,佢雖然得到華星唱片一紙合約,但係公司無同佢出唱片。不過就有好多機會接觸佢偶像梅艷芳。喺呢段期間,佢作出咗多方面嘅嘗試,唱過兒歌,做過主持,拍過電視劇同埋電影。
直到1999年,梅艷芳非常賞識阿詩,邀請佢喺演唱會度擔任和唱,兩個人更喺《Larger Than Life》一碟合唱一曲《女人煩》。其後,梅艷芳成立咗自己嘅公司Mui Music,並正式宣佈收何韻詩為徒,何韻詩成為梅艷芳嘅唯一女徒弟。
喺2001年,何韻詩受唱片公司高層賞識,推出首張個人ep《first.》。佢喺呢隻專輯裏面硬搖滾嘅獨特曲風加上鮮明形象令佢在當年嘅新人之中,喺各大樂壇頒獎禮上奪圍而出。亦因為佢喺首張唱片嘅歌以搖滾曲風為主,所以有唔少人將佢定形為一位搖滾歌手。
推出咗第一張個人專輯之後,華星唱片喺2001年唔再做音樂。不過,何韻詩好快就搵到一個好歸宿。2002年,佢同百代唱片(EMI)簽約,推出1張EP及4張唱片。佢響百代雖則只係兩年,但可以盡顯才華。喺新嘅唱片公司,佢同英師傅夾手做佢第一張EMI唱片《hocc²》,喺歌曲製作上,佢亦都有自主權,可以喺音樂風格上作出改變,大部份歌曲重係保留住初出道嘅搖滾風格。佢自作《天使藍》一曲更加係佢成長歌[2]。而黃偉文寫嗰首《露絲瑪莉》,掂到女同性戀,引起好多人議論。同時,亦都帶出之後一連串同性戀歌。
2002年秋《free{Love}》,係佢第一隻大碟,為咗迎合香港樂壇嘅大環境同唱片公司嘅要求,歌曲商業味比較重,亦都非常成功。《天使藍》同《再見…露絲瑪莉》更加贏唔少獎。《再見…露絲瑪莉》係《露絲瑪莉》續篇,首歌係非常令人難忘。何韻詩唔單止成功,重得到流行樂壇認同,令佢喺商業電台舉辦嘅叱咤樂壇流行榜頒獎典禮度攞到「叱咤樂壇女歌手銅獎」同埋「叱咤十大 第九位 - 再見露絲瑪莉」呢兩個獎。
自此之後,何韻詩以製作人及歌手嘅身份推出個人大碟《Dress Me Up!》。佢整咗一張屬於自己嘅專輯。阿詩成功咁喺自我同商業之間作出平衡,而比較商業化嘅歌曲《沙》同埋搖滾歌曲《元神出竅》亦能夠喺各大電台嘅流行榜中取得冠軍位置。可惜嘅係,雖然呢隻專輯嘅水準唔錯,但就得唔到廣泛嘅注意。
2004年7月,何韻詩同EMI唱片公司嘅合約期滿,兩個月之後,佢正式加盟東亞唱片。
何韻詩喺師傅離世後推出《艷光四射》專輯,主題係向1980年代嘅樂壇巨星致敬,而碟中百變嘅形象同埋曲風被外界認為係要跟隨佢師傅嘅風格。不過更重要嘅係「青山大樂隊」喺製作呢隻專輯嗰時正式組成,並成為佢嘅固定音樂班底,對佢嘅音樂風格帶來莫大嘅影響。
2005年9月,何韻詩作出新嘗試,親自策劃及監製舞台劇《梁祝下世傳奇》,喺劇中擔任女主角,並推出同名原聲大碟。何韻詩把聲同黃偉文嘅歌詞及青山大樂隊嘅音樂喺呢隻專輯度擦出咗火花,令專輯成為佢近年最完美嘅一張主題專輯。推出後所帶來嘅迴響係意料之外咁好,而音樂劇嘅成功亦為佢嘅音樂事業打咗一枝強心針。
2006年,東亞唱片為何韻詩於香港體育館舉行佢首個個人演唱會,反應非常熱烈,唱片公司因此喺翌年為佢再加開兩場演唱會。演唱會嘅成功亦將佢推到事業嘅第一個高峰,佢喺嗰年獲得商業電台頒發嘅全年最高播放率嘅獎「叱咤樂壇女歌手金獎」。
第二版追加收錄*
第二版追加收錄*
CD 1
CD 2
CD 1
CD 2
Bonus tracks
CD 1
CD 2
CD 3
Disc 1
Disc 2
Disc 3
2013年:華語專輯《共存Coexistence》
喺2021年,學術期刊Information Systems Frontiers發表一篇關於網上假新聞同社會兩極化嘅關係嘅文章,當中提到一啲激進親共派網民有強烈人身攻擊傾向,其中一個例子,就係何韻詩分享喺芬蘭入住Airbnb,被人性騷擾嘅不愉快經歷之後,Discuss.com.hk入面一啲激進親共派網民嘅反應。文章提到,呢啲親中派網民並無討論事件本身,而係借機攻擊何韻詩嘅性取向同埋政治立場[3]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.