伶仃洋

伶仃洋，又寫做零丁洋，係珠江口對出嘅海，夾響香港新界同珠海中間。洋兩邊各有島，東面有淇澳，西面有內伶仃。佢北面係珠江口，南面係九洲洋。亦有書將九洲洋同萬山羣島歸入去伶仃洋。伶仃洋主要歸深圳同珠海管。

屈大均係《廣東新語》度提過，零丁洋因為有赤灣附近零零丁丁有個山（島），叫零丁山（即係內伶仃），所以連海都叫做零丁洋。零丁山將零丁洋分兩邊，東面係內則，比較細，叫小零丁洋，而西便係外則，比較大，叫大零丁洋。小零丁洋即係香港新界到內伶仃嘅洋面，而大零丁洋即係內伶仃到淇澳嘅洋面。而小零丁洋有兩石，對峙中流，高可百餘仞，就則可能係港境內沙洲、白洲同龍鼓洲。洲間係雙筯門，來自行朝雙闕。^[1]

史

大宋末丞相文天祥響廣東俾元軍捉咗。艘船由元朗開過伶仃洋，佢就作咗首詩《過零丁洋》，以表不屈。

大橋

1983年，香港商人胡應湘建議喺伶仃洋起大橋，連埋香港同珠海。珠海政府於1989年正式公佈伶仃洋大橋計劃，並於1997年獲中國國務院批准。珠海亦喺佢境內起咗大橋一部份，即淇澳島大橋。但香港政府一直對該計劃反應冷淡。

2002年11月，當時國務院總理朱鎔基支持起港珠澳大橋，即係連埋香港、珠海同澳門，伶仃洋大橋計劃亦都告吹。之後，廣東省計劃起深中大橋，以連接深圳同埋中山。

註

1. 屈大均。《廣東新語》。