童話
From Wikipedia, the free encyclopedia
童話(粵拼:tung4 waa2;大致對應《格林童話》[英 1]個德文名),又或者叫
童話好多時都係嚟自民間故事嘅,會提到古代平民之間流傳嘅迷信,而且呢啲故仔冇單一作者,會隨住時間而演變出現多重版本[註 1]—好似係《格林童話》噉,就係收錄咗拃唔知邊個係原作嘅民間故事,包括《糖果屋》、《小紅帽》同埋《睡公主》等等。不過有啲童話會有明確嘅作者—例如可能有個作家鍾意呢啲似民間傳說嘅故仔,所以特登將自己嘅作品寫到似呢啲傳說噉嘅樣。
15 世紀後嘅歐洲出咗好多出名嘅童話故事。由廿世紀起,呢啲故仔就成日畀人攞去改編做漫畫、電影、歌劇同芭蕾舞劇等媒體嘅創作品,幫咗手將歐洲嘅文化發揚到去全世界[1]。