From Wikipedia, the free encyclopedia
亞馬喇土腰(又叫關閘馬路,葡萄牙文:Istmo Ferreira do Amaral)係澳門一條古舊嘅馬路,連接關閘同拱形馬路之間,長470米。由於呢條路喺蓮花山下面,所以又有人叫做蓮花莖。關閘馬路嘅葡文名「Ferreira do Amaral」係澳門總督亞馬留嘅名。
關閘馬路原先只係由西江沙泥沖積而成嘅狹窄沙隄,明代之前叫塘基路。明代嗰時曾經喺蓮花莖加建石磯,所以又有人叫橫石磯,呢條路係連接澳門半島同大陸嘅重要馬路。蓮花莖上面曾經有一座起喺明萬曆二年(1574年)嘅「關閘門」,係中式嘅城樓。中式城樓係廣東香山縣設置喺度嘅官方關卡,後嚟發展成為同鬼佬分隔嘅邊界。以前嘅關閘門位置喺宜家關閘馬路中段。據《澳門圖記》入面寫:「由寨而東十五里為官閘,設把總守之,為民夷出入要隘。明制每月六開關,支給夷人米石。給迄,仍閉關。今常開,惟不許夷人闌入,他皆不禁。」可以見至到清代,關閘門已經係成日開門冇關。《廣東通誌》更寫到明,清康熙十二年(1673年)增建嘅官廳有關閘門傍,由汛兵看住。
第一次鴉片戰爭期間,英國軍隊曾經喺清道光二十年(1840年)炸過關閘,想迫中國軍隊從澳門半島撤走。但係被林則徐同關天培打贏咗。1848年,葡萄牙開始向北擴張邊界,同時起同關閘連接嘅馬路。1849年,澳門總督亞馬留喺呢度被人殺死。呢件事之後嘅發展令到中葡關係緊張,英國、美國、法國亦向中國發出反對暴行抗議書同派戰艦威脅關閘。呢嗰時候關閘汛兵被迫撤走,關閘門就即刻就被澳葡政府霸咗。1874年(清同治十三年)葡萄牙人拆咗中國起嘅關閘門,同時將關閘向北起過一座新嘅凱旋門式嘅新關閘。而新起嘅關閘門上面刻咗葡國詩人賈梅士嘅詩句,嚟將葡國打贏清政府嘅事誇大歌頌。隨著社會嘅發展,關閘馬路就隨著關閘係咁伸長。到咗宜家為止,關閘馬路同拱形馬路開始去到關閘廣場嗰忽,仍然係澳門最繁忙同重要嘅路。
呢道馬路地形係地峽,成嗰澳門得呢條街係屬於咁嘅地形。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.