From Wikipedia, the free encyclopedia
亞洲國際博覽館（英文：AsiaWorld-Expo，AWE，簡稱亞博館或亞博）係香港其中一個重要嘅展覽會議場地，喺香港赤鱲角香港國際機場。亞洲國際博覽館大概用咗23.5億港元去起，喺2003年，為咗發展亞洲國際博覽館，香港特區政府、機管局就同國際展覽中心投資有限公司一齊成立咗香港國際展覽中心有限公司，香港特區政府就係主要股東。喺2005年12月21號由香港特別行政區行政長官曾蔭權主持開幕儀式。
 |
 |
.jpg)
2018年9月24號，香港機場管理局宣佈收購國際展覽中心投資有限公司持有嘅權益同股權，同埋亞洲國際博覽館管理有限公司嘅擁有權。亞洲國際博覽館由香港特區政府同香港機場管理局共同擁有，香港機場管理局附屬公司亞洲國際博覽館管理有限公司就負責營運管理。
2022年3月31號，政府轉讓自己擁有嘅亞洲國際博覽館所有權益畀機管局。亞博館就成爲機管局全資擁有嘅公司。
亞博館係一個達到咗世界級嘅展覽同活動場地，可以搞展覽、會議、演唱會、體育同各類文娛嘅活動。2012年，喺《CEI Asia magazine》榮膺亞洲三甲，係香港首次有兩座場館（另一座為香港會議展覽中心）一齊躋身三甲之列，成績超越其他城市。
亞洲國際博覽館係香港唯一場館可以舉行細至小型會議到大至過萬與會人士參加嘅大型活動。2號展館AsiaWorld-Summit同11號展館Runway 11可以容納500至5,000人，而喺二樓嘅會議及宴會中心就配備7 間100至690平方米可彈性組合嘅會議室，提供嶄新嘅設施同靈活嘅場地設計，滿足各類型唔同規模嘅會議。AsiaWorld-Summit係全港最大嘅室內多用途場館，佔地8,200平方米，採用無柱式設計同全地毯覆蓋，係香港現時唯一可以同場舉行會議、筵席同展覽嘅大型禮堂，可以同時款待5,000名賓客。而Runway 11佔地4,400平方米，同樣採用無柱式設計及全地毯覆蓋，可以舉行招待500至3,800名賓客嘅主題活動。
呢座現代化設施附近嘅香港國際機場有完善嘅海陸空運輸網絡，交通四通八達，同珠江三角洲一帶嘅城市同全球商業都會連接起嚟。
亞洲國際博覽館拍住多間星級酒店，為商旅客人提供國際水準嘅客房服務。喺大概1分鐘距離內，遊客可到附近嘅香港天際萬豪酒店同埋香港富豪機場酒店；而10分鐘車程內有超過 5,000 間酒店房間供應（包埋即將喺2020年開張嘅4間新酒店），例如諾富特東薈城酒店。另外，喺博覽館30分鐘車程範圍內更加有10,000間客房畀客人揀。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
