二胡

二胡係種起源自中國嘅弦樂器，有兩條弦。

製琴師通常以木製作二胡，例如紅木、小葉紫檀、烏木、雞翼木、血檀、大葉紫檀、非洲紅花梨、非洲紫檀等等，亦都有製琴師以象牙、玉石、膠等材料製作二胡，因為佢哋有聲學以外嘅考量。琴筒一端蒙以蛇皮，係二胡獨特聲線嘅來源，啲高級嘅二胡會採用蝻蛇皮。無論係嚟自野生或者圈養嘅蛇，收集蛇皮嘅使費日益增高。而瀕危野生動植物種國際貿易公約限制咗參與團體對蠎蛇皮嘅出入口，後嚟有人就開發蛇皮嘅替代材料，以模仿蛇皮嘅聲線。通常使用鋼弦、尼龍弦、絲弦，羊腸弦已極少人用。總結嚟講，噉導致咗用原先材料製作嘅二胡都跟住少咗，取而代之嘅係替代材料。

中國係二胡嘅主要生產地，其中上海、北京同蘇州最為頻繁。唔同嘅地方生產嘅二胡聲線各有唔同：傳統上，上海生產嘅二胡，聲線較柔美；北京出產嘅胡，聲線較高亢；蘇州出產嘅二胡，聲線揉合上海同北京嘅特色。

睇埋

三胡
四胡

呢篇文係樂器有關嘅楔位文。歡迎幫維基百科擴寫佢。