Tē-lí-ha̍k ê tāi-lio̍k chí tē-kiû ê tōa tè tē. It-poaⁿ lâi kóng, 1 ê tāi-lio̍k tio̍h ū tōa ê bīn-chek, tē èng-kai tī chúi-bīn téng-koân, piⁿ-kài ài ū tē-lí siōng ê ì-gī. In-ūi bô kāng bûn-hoà, ha̍k-kho ū bô kāng-khoán ê phiau-chún, tàu-té ū kúi ê tāi-lio̍k pēng bô it-tēng. Ū lâng jīn-ûi ke̍k-ke ū 4~5 tè tāi-lio̍k; siōng phó·-phiàn ê sò·-bo̍k sī 6~7 ê.
Siōng tōa ê cheng-gī khan-sia̍p tio̍h Europa/A-chiu kap Pak-bí-chiu/Lâm-bí-chiu. Khó-pí kóng, Europa kap A-chiu tiāⁿ-tiāⁿ hō· lâng tòng-chò 1 ê Euro-a-chiu (Eurasia). Lâm, pak Bí-chiu mā ū lâng jīn-ûi lóng sī kāng-ê Bí-chiu tāi-lio̍k.
Hái-tó it-poaⁿ hō· lâng tòng-chò sī siōng kīn ê tāi-lio̍k ê 1 pō·-hūn. Só·-í Britain-tó sǹg sī Europa tāi-lio̍k ê 1 koe̍h. Hái-lâm-tó, Ji̍t-pún mā sǹg sī A-chiu tāi-lio̍k ê 1 pō·-hūn.
Thong-sio̍k ê chèng-tī gí-giân kóng ê Tiong-kok Tāi-lio̍k chí Tiong-hôa Jîn-bîn Kiōng-hô-kok si̍t-chè thóng-tī ê léng-thó·, pau-koat iân-hái koán-hat lāi ê tó-sū.
- 7 Tāi-lio̍k: Hui-chiu, Lâm-ke̍k Tāi-lio̍k, A-chiu, Australia (Oceania), Europa, Pak-bí-chiu, Lâm-bí-chiu.
- 6 Tāi-lio̍k: Hui-chiu, Lâm-ke̍k Tāi-lio̍k, Australia (Oceania), Euro-a-chiu, Pak-bí-chiu, Lâm-bí-chiu.
- 6 Tāi-lio̍k: Hui-chiu, Bí-chiu, Lâm-ke̍k Tāi-lio̍k, A-chiu, Australia (Oceania), and Europa.
- 5 Tāi-lio̍k: Hui-chiu, Bí-chiu, Australia (Oceania), Lâm-ke̍k Tāi-lio̍k, Euro-a-chiu.
- 4 Tāi-lio̍k: Bí-chiu, Australia (Oceania), Lâm-ke̍k Tāi-lio̍k, Euro-hui-a.
- Supercontinent
- Subcontinent
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
