From Wikipedia, the free encyclopedia
Pak Hái-hōaⁿ kap Koan-im-soaⁿ Kok-ka Hong-kéng-khu (北海岸及觀音山國家風景區) sī tī Tâi-oân Sin-pak-chhī kap Ke-lâng-chhī kéng-lāi ê kok-ka hong-kéng-khu, tī 2002 nî 10 goe̍h 17 hō sêng-li̍p, chú-iàu sī iû pak hái-hōaⁿ ê Pak Hái-hōaⁿ Hong-kéng-khu, Iá-liú hong-kéng-khu kap Koan-im-soaⁿ lâi cho͘-sêng. Pak hái-hōaⁿ khu kài-î Bān-lí-khu to͘-chhī kè-ōe hām Sam-chi-khu kap Tām-chúi-khu tiong-kan, Koan-im-soaⁿ khu tī Tām-chúi-hô, Liông-hêng, Gō͘-kó͘, Nâ-kháu Tâi-tē kap Pat-lí hoān-ûi lāi. Kî-tiong, Iá-liú hong-kéng-khu í te̍k-sû tē-chit kap tē-hêng chò-ûi i-ê te̍k-sek. Tiōng-iàu kéng-tiám ū Hù-ki Hî-káng, Hù-kùi-kak, Hái-se̍k Chio̍h-mn̂g, Iá-liú Tāu-hū-giâm, Kim-san lāu-ke, kap Lú-ông-thâu.
2002 nî 5 goe̍h 15 hō, Kau-thong-pō͘ Koan-kong-kio̍k kong-kò siat-tì Pak Hái-hōaⁿ kap Koan-im-soaⁿ Kok-ka Hong-kéng-khu, hoān-ûi pau-hâm goân sio̍k Tâi-oân-séng Chèng-hú koán-hat ê Pak Hái-hōaⁿ Hong-kéng-khu, Iá-liú hong-kéng-khu kap Koan-im-soaⁿ Hong-kéng-khu, chóng biān-chek 12,351 kong-khéng. 2014 nî 12 goe̍h 15 hō, Koan-kong-kio̍k kong-kò Ke-lâng-chhī ê Gōa-bo̍k-soaⁿ, Chêng-jîn-ô͘, Hô-pêng-tó téng kéng-tiám la̍p-ji̍p hong-kéng-khu ê hoān-ûi lāi, chóng biān-chek khok-tāi chì tāi-iok 13,081 kong-khéng.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
