Kán Kiat

Kán Kiat (Hàn-jī: (簡吉; 1903 nî 5 goe̍h 20 – 1951 nî 3 goe̍h 7), Tâi-oân Hōng-soaⁿ-lâng, sī tī Ji̍t-pún thóng-tī sî-tāi ê chú-iàu lông-bîn ūn-tōng-chiá, 1925-nî khai-sí thui-tōng sêng-li̍p lông-bîn cho͘-ha̍p, bat sī Tâi-oân Lông-bîn Cho͘-ha̍p ("Lông-cho͘") chú-iàu kàn-pō͘.

Kán Kiat

Poē-kéng

Chit pha iáu-bōe ū lâng siá. Chhiáⁿ tàu pó͘-chhiong lōe-iông.

Ūn-tōng seng-gâi

Tī Kán Kiat, Tiō Káng (趙港), kap Lông-cho͘ kàn-pō͘ ê ló͘-le̍k thui-tōng chi-hā, Lông-cho͘ tùi chho͘ sêng-li̍p ê 5-ê chi-pō͘, 1000-goā miâ hoē-oân, kàu liáu 1928-nî té sî í-keng ū 27-ê pō͘, hoē-oân jîn-sò͘ ū 24000 chiah chē, sī Tâi-oân tong-sî siōng ū éng-hióng-le̍k ê siā-hoē thoân-thé. Kán Kiat ūi-tio̍h cheng-chhú lông-bîn koân-lī bat chē-kaⁿ, siōng tn̂g ê chi̍t-pái sī 1931-nî khí chē-kaⁿ 10 tang, chhut-lâi liáu iû-goân jia̍t-sim lông-bîn ūn-tōng, choè-āu in-ūi chham-ka Kiōng-sán-tóng kái-hòng Tâi-oân ūn-tōng, pī chí-khòng sī chham-ú chhek-tōng 228 Sū-piàn ê "húi-tia̍p". In-ūi án-ne pī lia̍h phoàⁿ sí-hêng, 1951-nî 3-goe̍h 7-ji̍t pī chhèng-sat, hiáng-nî 49 hoè.

Sī-sè

Tâi-oân Tāi-chiòng Tiān-náu Chi̍p-thoân ê táng-sū-tiúⁿ Kán Bêng-jîn (簡明仁) sī Kán Kiat ê hāu-seⁿ.

Chham-khó chu-liāu

• 韓嘉玲，《播種集—日據時期臺灣農民運動人物誌》 Archived 2017-04-08 at the Wayback Machine.，財團法人簡吉陳何文教基金會，1997年
• 蔡文輝，《不悔集—日據時代臺灣社會與農民運動》 Archived 2009-03-22 at the Wayback Machine.，財團法人簡吉陳何文教基金會，1997年

Tī Wikimedia Commons téng ê siong-koan tóng-àn: Kan Kiat