Hi-kò͘-lūi

Hi-kò͘-lūi ê Eng-gí sī fiction ("Óa-im: "huik-siohn""), thoân-thóng hoan-e̍k chò "siáu-soat"^[1], sī chi̍t khoán bûn-ha̍k khoán-chè, hâm kok khoán keng-kòe sióng-siōng ê kò͘-sū, ia̍h chiū sī bô ì-sù beh kun-kù sū-si̍t ê chhòng-chok.

Chiàu kin-sè chit-ê khài-liām ê iōng-hoat, pún lūi chhòng-chok m̄ ná hâm bûn-chiong, mā hâm hiān-tiûⁿ piáu-ián, iáⁿ-hì, tiān-sī-kio̍k, tiān-náu iû-hì, kak-sek poaⁿ-ián iû-hì téng khoán. Nā khah goân-sú ê ì-sù sī bûn-ha̍k ê lūi-hêng, chhan-chhiūⁿ tn̂g-phiⁿ siáu-soat (novel), novella, té-phiⁿ kò͘-sū, kio̍k-pún téng lūi.

Hi-kò͘ kap hui-hi-kò͘ ê hâm-hô͘-sèng

Tiām chi̍t kóa chêng-hêng hi-kò͘/hui-hi-kò͘ ê chha-pia̍t sī ài-māi--ê, chit khoán ài-māi-sèng mā sī chi̍t kóa hō͘-hiān-tāi bûn-ha̍k ê sêng-hun, pí-lūn chok-chiá khó-lêng te̍k-pia̍t piáu-hiān "sióng-siōng-tek hiān-si̍t" (imagined reality). Koh ū chhiūⁿ Michael Orlofsky ēng "sú-ha̍k hi-kò͘" (historiografiction) chit jī lâi piáu-sī ê le̍k-sú-ha̍k kiam hi-kò͘ ê saⁿ-lām.^[2]

Chham-khó

1. John Macgowan (1883). "Fiction". English and Chinese dictionary of the Amoy dialect.
2. Iftekharuddin, Frahat (ed.). (2003). The Postmodern Short Story: Forms and Issues. Greenwood Publishing Group. p. 23.

Siong-koan

• Hui-hi-kò͘-lūi (non-fiction)
• Khong-sióng (fantasy)