Phû-tô-gâ Borgonha Ông-tiâu

Phû-tô-gâ Borgonha Ông-tiâu ia̍h-sī Afonsine Ông-tiâu sī Burgundy Ông-tiâu ê chi̍t-ki, ùi Phû-tô-gâ Pek-chiok Henry thoân--lo̍h-lâi. I sī Burgundy ê Henry ê ban-á.

Phû-tô-gâ Borgonha Ông-tiâu (Casa de Borgonha)
Sian-chiân Ông-tiâu ông-sek	Borgonha Ông-tiâu
Kok-ka	Phû-tô-gâ
Chhòng-li̍p	1093-nî
Chhòng-li̍p-chiá	Henry, Count of Portugal
Bo̍k-chiân léng-tō	Bia̍t-choa̍t
Chòe-āu kun-chú	Ferdinand I of Portugal
Thâu-hâm	King of the Portuguese King of Portugal King of the Algarve King of Galicia King of Silves Prince of Portugal Duke of Portugal Infante of Portugal Count of Portugal Count of Flanders Count of Urgell
Kái-thé	1383-nî
Ông-tiâu hun-ki	House of Aviz House of Braganza

Le̍k-sú

Khí-goân

Phû-tô-gâ tē-it-ê kok-ông Afonso I

Siàu-liân ê Henry bô ki-hōe kè-sêng thó͘-tē, só͘-í i chham-ka 11 sè-kí tī Iberian Poàn-tó ê Siu-ho̍k Sit-tē Ūn-tōng. I tī cheng-ho̍k Galicia kap Pak Phû-tô-gâ liáu-āu, kap León ê Alfonso VI ê khè-hiaⁿ-kiáⁿ Teresa kiat-hun. I ê kiáⁿ Afonso Henrique tī 1128 nî kā in a-bú táⁿ-pāi liáu-āu, chiâⁿ-chò Phû-tô-gâ Kok-ông. Kàu 1179 nî kàu-chong Alexander III chiah sêng-jīn Phû-tô-gâ sī chi̍t-ê to̍k-li̍p ê kok-ka.^[1] 

Phû-tô-gâ ê Kok-ông

Kè-sêng Afonso I ê kok-ông kè-sio̍k tī Siu-ho̍k Sit-tē Ūn-tōng tùi-khòng Mô͘-lú-jîn. Afonso III cheng-ho̍k Algarve, hông hō-chò Phû-tô-gâ kap Algarve ê Ông.

Phû-tô-gâ ê kok-kài tī Alcanizes Tiâu-iok hông koat-tēng, tong-sî ê kok-ông Dinis I khai-sí hoat-tián kok-ka.

Kiat-sok

Tī 1383, Beatrice, princess of Portugal kap John I of Castile kiat-hun. Ferdinand I (in a-pa) tī kāng-chi̍t-nî sí-khì, kok-ka chìn-ji̍p 1383-1385 Crisis, chin-khó-lêng ē hō͘ Castile pèng-thun. Chit-ê sî-kî tī 1385 kiat-sok, in-ūi Phû-tô-gâ tī Battle of Aljubarrota ê sèng-lī , John I, Master of Aviz (Peter I ê khè-hiaⁿ-kiáⁿ) chiâⁿ-chò kok-ông, khai-sí House of Aviz.

Burgundy Ông-tiâu ê Kok-ông

1. Afonso I - Cheng-ho̍k-chiá - (1139–1185)
2. Sancho I - Si̍t-bîn-chiá - (1185–1211)
3. Afonso II - Tōa-kho͘-ê - (1211–1223)
4. Sancho II - Khiân-sêng ê - (1223–1248)
5. Afonso III - Boulogne lâng - (1248–1279)
6. Dinis I - Si-jîn - (1279–1325)
7. Afonso IV - Ióng-kám ê - (1325–1357)
8. Pedro I - Chân-jím ê iah-sī Pêⁿ-chiàⁿ ê - (1357–1367)
9. Fernando I - Iân-tâu ê - (1367–1383)

Piau-chì

Piau-chì	Chheng-ho͘	Sî-kî
	Phû-tô-gâ Kok-ông	1139–1383
	Algarve Kok-ông	1139–1383
	Boulogne Pek-chiok[2]	1216–1260

Mā khòaⁿ-māi

• Aviz Ông-tiâu

Tsù-kái

1. António Henrique R. de Oliveira Marques, History of Portugal: From Lusitania to Empire, (Columbia University Press, 1972), 43.
2. The title Count of Boulogne was held by King Afonso III of Portugal, by marriage to Matilda II, Countess of Boulogne, from 1216 to 1260.

Gōa-pō͘ liân-kiat

• (Portuguese) The Portuguese monarchs of Burgundy and their history