Le̍k-sek Kiàn-tio̍k
siat-kè sî khó-liōng tio̍h kiám-khin khoân-kéng kah chu-goân éng-hióng ê kiàn-tiok / From Wikipedia, the free encyclopedia
Le̍k-sek kiàn-tio̍k ah-sī Le̍k kiàn-tio̍k (Eng-gí: green building) sī chi̍t-khoán tī pún-sin koh-ū i ê sú-iōng ê sèⁿ-miā chiu-kî tang-tiong, phì-jû: soán-chí, siat-kè, kiàn-siat, êng-ūn, ûi-hō͘, hoan-sin, thiah-tû téng-téng ê múi-chi̍t-ê kai-tōaⁿ lóng ū chò-kàu khoân-kéng iú-siān kap chu-goân iú-hāu ūn-iōng ê kiàn-tio̍k-bu̍t. Mā ē-sái kóng, le̍k-sek kiàn-tio̍k tī-leh siat-kè siōng ê bo̍k-te̍k sī beh tī jîn-chō kiàn-tio̍k chham chū-jiân khoân-kéng chi-kan chhōe-tio̍h chi̍t-ê pêng-hêng. Che tio̍h su-iàu siat-kè thoân-tūi, kiàn-tio̍k-su, kang-têng-su hām kheh-hō͘ tī choan-àn ê ta̍k-ê kai-tōaⁿ lāi phòe-ha̍p. Le̍k-sek kiàn-tio̍k ê si̍t-chok tio̍h pó͘-thiⁿ-liáu kó͘-tián kiàn-tio̍k siat-kè tī keng-chè hāu-ek, si̍t-iōng-tek, nāi-iōng-tō͘ chham sù-sī-tō͘ hong-bīn ê put-chiok.