Im-e̍k-gí
From Wikipedia, the free encyclopedia
Im-e̍k-gí sī kā bó͘-mih giân-gí ê ho͘-im chiàu kò͘-tēng ê Hàn-jī (he̍k-chiá thang tùi-tâng Hàn-jī ê im-chat) lâi im-e̍k piáu-hiān. Pí-lūn "Ka-ná-tah" (加那陀), "Ka-ná-tāi" (加拿大), "Au-lô-pa" (歐羅巴), "Lô-má" (羅馬), "Ki-tok" (基督), "Pho-su" (波斯), "O-mí-tô-hu̍t" (阿彌陀佛) téng-téng, lóng sǹg sī im-e̍k-gí tan-jī.
Tang-iûⁿ sú-iōng Hàn-jī-sû ê kok khoán giân-gí teh ēng ê im-e̍k-gí, tiāⁿ m̄-sī in pún-sin chāi-lâi--ê, pí-lūn ū chin chē im-e̍k-gí sī pa̍t khoán giân-gí seng im-e̍k liáu-āu, chiah thoân ji̍p Hō-ló-ōe--ê. Iā ū-ê sī tùi kó͘-chá ê giân-gí keng-kòe bûn-su thoân--lo̍h-lâi-ê.