Tāi-hân Bîn-kok

Tāi-hân Bîn-kok
Tāi-hân Bîn-kok 대한민국
	kok-kî kok-hui
	Chu-kù: 홍익인간; "Niū jîn-kan siū-ek"
	Kok-koa: 애국가; "Ài-kok-koa";
	kok-sú;
Siú-to͘ kap siāng-tōa siâⁿ-chhī	Seoul
Koaⁿ-hong gí-giân	Hân-kok-gí
Chèng-hú	tan-it-chè, chóng-thóng-chè, kiōng-hô-kok
• chóng-thóng	Yoon Suk-yeol
• chóng-lí	Han Duck-soo
• kok-hoē gī-tiúⁿ	Kim Jin-pyo
• Tāi-hoat-īⁿ-tiúⁿ	Cho Hee-dae
• Hiàn-hoat Châi-phòaⁿ-só͘-tiúⁿ	Lee Jong-seok
Li̍p-hoat ki-kò͘	Kok-hoē
Bīn-chek
• Lóng-chóng	100,363 km2 (38,750 sq mi) (tē 107 miâ)
• chúi-he̍k (%)	0.3
Jîn-kháu
• 2023 nî kó͘-kè	51,966,948 (tē 28 miâ)
• Bi̍t-tō͘	507/km2 (1,313.1/sq mi) (tē 15 miâ)
GDP (PPP)	2024 nî kó͘-kè
• Lóng-chóng	$3.058 bān-ek (tē 14 miâ)
• Pêng-kin	$59,330 (tē 28 miâ)
GDP (bêng-gī)	2024 nî kó͘-kè
• Lóng-chóng	$1.761 bān-ek (tē 14 miâ)
• Pêng-kin	$34,165 (tē 33 miâ)
Gini (2021 nî)	33.3; tiong
HDI (2022 nî)	0.929; chin ko · tē 19 miâ
Hoè-pè	Tāi-hân Bîn-kok won (₩) (KRW)
Sî-khu	UTC+9 (KST)
Sî-kan keh-sek	yyyy년 m월 d일; yyyy. m. d. (CE)
Siong-iōng tiān-goân	220 V–60 Hz
Khui-chhia hong-hiòng	iū
Tiān-oē khu-hō	+82
ISO 3166 tāi-hō	KR
Siōng-téng domain	.kr; .한국

Tāi-hân Bîn-kok (Hân-kok-gí: 대한민국; hàn-jī: 大韓民國; lô-má-jī: Daehan Minguk), mā hō-chò Hân-kok (韓國), Lâm-hân (南韓), sī chi̍t-ê ūi-tī tang-pak A-chiu Tiâu-sián Pòan-tó lâm-pō͘ ê kok-ka. Sai-lâm piⁿ sī N̂g-hái, tang-lâm piⁿ sī Tusima Hái-kiap. Tang óa Ji̍t-pún-hái. Pak pêng sī Tiâu-sián Bîn-chú-chú-gī Jîn-bîn Kiōng-hô-kok (Pak Tiâu-sián).

Quick Facts 대한민국, Siú-to͘ kap siāng-tōa siâⁿ-chhī ...

Close

Tāi-hân Bîn-kok kap Pak Tiâu-sián pún-lâi sī kāng chi̍t-ê kok-ka. Ji̍t-pún pāi-chiàn liáu-āu, Tiâu-sián pun-chò 2-ê kok-ka, lâm-pō͘ tī 1948 nî sêng-li̍p Tāi-hân Bîn-kok, kap pak-pêng ê Pak Tiâu-sián tùi-khòng.

Hēng-chèng Tan-ūi

Hân-kok ê hēng-chèng tan-ūi hun-chó Te̍k-pia̍t-chhī (특별시, 特別市) , Kóng-he̍k-chhī (광역시, 廣域市), kap Tō (도, 道).

Te̍k-pia̍t-chhī kan-nā ū chi̍t-ê:
- 1. Seoul Te̍k-pia̍t-chhī (서울특별시, ──特別市)

Kóng-he̍k-chhī ū 6-ê:
- 2. Busan Kóng-he̍k-chhī (부산광역시, 釜山廣域市)
- 3. Daegu Kóng-he̍k-chhī (대구광역시, 大邱廣域市)
- 4. Incheon Kóng-he̍k-chhī (인천광역시, 仁川廣域市)
- 5. Gwangju Kóng-he̍k-chhī (광주광역시, 光州廣域市)
- 6. Daejeon Kóng-he̍k-chhī (대전광역시, 大田廣域市)
- 7. Ulsan Kóng-he̍k-chhī (울산광역시, 蔚山廣域市)

Tō ū 9-ê:
- 8. Gyeonggi Tō (경기도) Tō-theng (道廳) tī Suwon Chhī (수원시).
- 9. Gangwon Tō (강원도) Tō-theng tī Chuncheon Chhī (춘천시).
- 10. Chungcheong Pak-tō (충청북도) Tō-theng tī Cheongju Chhī (청주시).
- 11. Chungcheong Lâm-tō (충청남도) Tō-theng tī Hongseong Kūn (홍성군).
- 12. Jeolla Pak-tō (전라북도) Tō-theng tī Jeonju Chhī (전주시).
- 13. Jeolla Lâm-tō (전라남도) Tō-theng tī Muan Kūn (무안군).
- 14. Gyeongsang Pak-tō (경상북도) Tō-theng tī Andong Chhī (안동시).
- 15. Gyeongsang Lâm-tō (경상남도) Tō-theng tī Changwon Chhī (창원시).
- 16. Jeju Te̍k-pia̍t Chū-tī-tō (제주특별자치도) Tō-theng tī Jeju Chhī (제주시).

Tē-lí

Hân-kok ūi-tī Tiâu-sián Pòan-tó ê lâm-pian. Tiâu-sián Pòan-tó tī A-chiu Tāi-lio̍k ê tang-pak-pō͘, ùi pak-piⁿ kàu lâm-piⁿ chóng-kiōng ū 1,100 kong-lí. Tiâu-sián Pòan-tó ê pak-piⁿ kap Tiong-kok hâm Lō͘-se-a siong-chiap. Tang-piⁿ óa Ji̍t-pún-hái, kap Ji̍t-pún keh hái siong-bāng. Tî-liáu pòan-tó í-gōa Hân-kok koh ū 3-chheng kúi ê tó-sū.

Tiâu-sián Pòan-tó ê bīn-chek ū 22,2154 pêng-hong-kong-lí. Kî-tiong 45% sī ē-sái chéng-chhân ê thó͘-tē. Tiâu-sián Pòan-tó ê soaⁿ-tē chiam 3 hun chi 2.

Thài-pe̍h-soaⁿ-be̍k úi pòan-tó ê pak-piⁿ káu lâm-piⁿ. Siōng kôan ê soaⁿ sī Pe̍h-thô͘-soaⁿ. Thài-pe̍h-soaⁿ-be̍k chú-iàu tī pòan-tó ê tang-piⁿ, só͘-í pòan-tó tang-piⁿ khah kôan, se-piⁿ khah kē. Úi lâm-pak lâi khòaⁿ, pak-piⁿ khah kôan, lâm-pō͘ khah kē. Tang-piⁿ hái-gān khah ti̍t, sai-piⁿ hái-gān tó-sū kap hái-oan khah chōe.

Tiâu-sián Pòan-tó chú-iau ū 5-tiâu hô: Ah-lio̍k-kang, Tāu-móa-kang, Tāi-tông-kang, Hàn-kang, kap Lo̍k-tong-kang. Kî-tiong Hàn-kang kap Lo̍k-tong-kang sī tī Hân-kok lāi-té. Hàn-kang ê hà-iû tio̍h-sī Hân-kok ê siú-to͘ Seoul.