From Wikipedia, the free encyclopedia
Chiàn-tò͘ (eng. battle; ji̍t. 戦闘) ia̍h chiàn-tàu, sī hō͘-siōng tùi-li̍p kiam ū cho͘-chit ê kun-tūi chi kan ê tan-to̍k chi̍t kái liân-sòa ê sio-thâi. Le̍k-sú bûn-su só͘ kóng ê chiàn-tò͘ tiāⁿ-tiāⁿ sī tāi-chì liáu-āu chéng-lí ê khài-liām. Chi̍t kái ê chiàn-tò͘ ū it-tēng ê hoān-ûi kap sî-kan. Chiàn-cheng kap chiàn-e̍k (military campaign) tiāⁿ-tiāⁿ sī chē pái chiàn-tò͘ ê cho͘-ha̍p.
Ēng chò chiàn-cheng tan-ūi ì-sù ê "chiàn-tò͘," ē-tàng kóng sī Se-iûⁿ he̍k-chiá kīn-tāi kun-sū ê koan-liām, kó͘-chá ê Hàn-bûn it-poaⁿ kan-ta kóng "bó͘-bó͘ chi chiàn" he̍k-chiá Ji̍t-bûn tiāⁿ hō "ha̍p-chiàn" (合戰); khah kīn-tāi ē kóng "chiàn-e̍k" a̍h-sī "hōe-chiàn." Chóng-sī chia ê iōng-gí lóng m̄-sī giâm-keh piáu-sī tan-sûn chi̍t pái chiàn-tò͘ ê ì-sù.
Chi̍t kái chiàn-tò͘ ê tiōng-iàu-seng kap koat-tēng-sèng chham siong-bông ia̍h chham-ú ê kui-bô͘ sî bô it-tēng ê koan-hē, ū-ê chiàn-tò͘ kun-sū siōng sī sió chhiong-tu̍t, m̄-koh tùi chèng-tī ū chin tōa éng-hióng, phì-jū kok-ông hông thâi--sí; ia̍h ū ê chiàn-tò͘ chō-sêng tōa-liōng ê sí-bông, m̄-koh tùi le̍k-sú bô siáⁿ-mi̍h koat-tèng-sèng ê éng-hióng. Ū chi̍t khoán chiàn-tò͘, mā tiāⁿ hông chheng chò sī tô͘-sat (massacre), in-ūi kî-tiong chi̍t pêng ê sè-le̍k bô siáⁿ-mi̍h tùi-khòng ê bú-le̍k[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.