Chheng-Chōng Ko-gôan (Hàn-jī: 青藏高原; Tibet-bûn: བོད་ས་མཐོ, Wylie: Bod Sa mTho; Chōng-gí pheng-im: Pösamto) sī Tang A-chiu, Lâm A-chiu kap Tiong A-chiu tiong-kan ê tōa-hêng koân-phiâⁿ tē-khu, sī sè-kài siōng koân ê koân-phiâⁿ, pêng-kin hái-poa̍t 4500 kong-chhioh, bīn-chek 250 bān pêng-hong kong-lí, “Sè-kài Chhù-chit”, “Soat-he̍k Ko-goân” kap “Tē-saⁿ Kek”. I lâm-pak iân-sin beh 1,000 kong-lí, tang-sai iân-sin beh 2,500 kong-lí. Kóng-gī siōng ê Chheng-Chōng ko-gôan pau-koat i sì-kho͘-liàn-tńg sòaⁿ-beh, chhiūⁿ i tang-pō͘ ū chhun kàu Hoâiⁿ-toān Soaⁿ-me̍h, lâm-pêng sī Himalaya Soaⁿ-me̍h lâm-chhek, sai-pêng ū Pamir koân-phiâⁿ, pak-pêng sī Khun-lûn Soaⁿ-me̍h.
![]() | Pún bûn-chiuⁿ ê ū chi̍t pō͘-hūn sī hoan-e̍k Hàn-gí Wikipidia bāng-ia̍h“青藏高原”(Goân chok-tsiá tī-leh i ê siu-tēng-sú). |
![](http://upload.wikimedia.org/wikipedia/commons/thumb/2/22/TibetanPlateau.jpg/640px-TibetanPlateau.jpg)
![](http://upload.wikimedia.org/wikipedia/commons/thumb/f/ff/Yarmothang1.jpg/640px-Yarmothang1.jpg)
Chèng-tī-siōng, Chheng-Chōng ko-gôan tāi-pō͘-hūn lóng sio̍k-tī Tiong-kok Se-chōng Chū-tī-khu kap Chheng-hái-séng. I mā ū hâm-kài Tiong-kok Sin-kiong Uyghur Chū-tī-khu, Kam-siok-séng, Sù-chhoan-séng kap Hûn-lâm-séng ê chi̍t-pō͘-hūn, koh ū hâm-kài Kashmir, Ìn-tō͘ (Ladakh), Bhutan, Nî-pô-lô, Pakistan, Afghanistan, Tajikistan kap Kyrgyzstan téng-téng.
Miâ-chheng
Chheng-Chōng Ko-gôan goân-miâ sī Chheng-Khong-Chōng Ko-gôan (Hàn-jī: 青康藏高原), che sī in-ūi Tiong-hôa Bîn-kok Chèng-hú ba̍t tī Sù-chhoan, Se-chōng tiong-kan siat chi̍t ê séng kiò-chò Se-khong-séng, só͘-í koân-phiâⁿ téng-koân ū Chheng-hái, Se-khong, Se-chōng saⁿ ê séng. 1955 nî Tiong-hôa Jîn-bîn Kiōng-hô-kok kā Se-khong-séng thiah hō͘ sòaⁿ, pun hō͘ Se-chōng kap Chheng-hái, chit-ê tē-lí-khu chū-án-ne kái-chò hiān-chhú-sî ê miâ. Tâi-oân ê chheh téng-koân í-chá lóng koàn-sì kóng Chheng-Khong-Chōng Ko-gôan, 1990 nî-tāi í-āu, chiah thóng-it kái-chò Chheng-Chōng ko-gôan. Lēng-gōa, se-hng kok-ka khah chiap kóng Se-chōng ko-goân (Eng-gí: Tibetan Plateau)
Tē-hêng
![Thumb](http://upload.wikimedia.org/wikipedia/commons/thumb/b/bc/Namtso3.jpg/640px-Namtso3.jpg)
![Thumb](http://upload.wikimedia.org/wikipedia/commons/thumb/b/b7/Qinghai_hu.local_farmers.jpg/640px-Qinghai_hu.local_farmers.jpg)
![Thumb](http://upload.wikimedia.org/wikipedia/commons/thumb/6/68/Tibet_tmo_2008353_lrg.jpg/640px-Tibet_tmo_2008353_lrg.jpg)
Chheng-Chōng ko-gôan sì-kho͘-liàn-tńg ū chin chē soaⁿ-me̍h, in tāi-pō͘-hūn lóng sī sai-pak ǹg tang-lâm hong-hiòng, tùi kî-thaⁿ só͘-chāi lâi kóng, Chheng-Chōng ko-gôan chit-tah ê tē-sè sī hiông-hiông peh chiūⁿ-thiⁿ, kî-tiong i lâm-pêng ê Himalaya Soaⁿ-me̍h tiong ê chē-chē soaⁿ-bóe-liu tī sè-kài siōng lóng pâi thâu 10 miâ, iû-kî sī Chomolangma Hong, i sī sè-kài siōng koân ê soaⁿ-bóe-liu. Koân-phiâⁿ téng m̄-nā pêⁿ-pêⁿ niā-niā, khí-khí-lo̍h-lo̍h, tē-hêng ū-iáⁿ ho̍k-cha̍p, koh-ū chiok chē peng-hô tē-hêng, koân-soaⁿ-ô͘, koân-soaⁿ làm-á.
Soaⁿ-me̍h
- Khun-lûn Soaⁿ-me̍h
- Karakoram Soaⁿ-me̍h
- Dangla Soaⁿ-me̍h
- Hoâiⁿ-toān Soaⁿ-me̍h
- Gangdise Soaⁿ-me̍h
- Nyenchen Tanglha Soaⁿ-me̍h
- Himalaya Soaⁿ-me̍h
Chúi-bûn
Chúi-bûn hong-bīn, A-chiu chú-iàu ê hô-chhoan (N̂g-hô, Tn̂g-kang, Lân-chhong-kang, Nō͘-kang, Hêng-hô, Ìn-tō͘-hô) lóng tùi chia hoat-goân.
Pêng-hô
![Thumb](http://upload.wikimedia.org/wikipedia/commons/thumb/7/79/Himalayas.jpg/640px-Himalayas.jpg)
![Thumb](http://upload.wikimedia.org/wikipedia/commons/thumb/c/c5/Qingzang_railway_Train_01.jpg/640px-Qingzang_railway_Train_01.jpg)
Hô-chhoan
Ô͘
- Chheng-hái-ô͘
- Pangong Tso
- Namtso
Tē-chit
Khì-hāu
Bûn-hòa
Tī Chheng-Chōng ko-gôan seng-oa̍h ê bîn-cho̍k chú-iàu sī Chōng-cho̍k, koh ū kî-thaⁿ bîn-cho̍k, chhiūⁿ Monpa-cho̍k, Lhoba-cho̍k, Sherpa-cho̍k téng-téng.
Chham-khó chu-liāu
Gōa-pō͘ liân-kiat
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.