![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/99/%25E6%25A8%2593%25E8%2588%25B9.jpg/640px-%25E6%25A8%2593%25E8%2588%25B9.jpg&w=640&q=50)
Bú-keng Chóng-iàu
From Wikipedia, the free encyclopedia
Bú-keng Chóng-iàu (武經總要) sī chi̍t-phō Tiong-kok Sòng-tiâu sî-tāi ê kun-sū khài-iàu, tī 1040 nî chì 1044 nî tiong-kan oân-sêng. I-ê lōe-iông ū koan-î hóe-io̍h-á ê hòa-ha̍k phòe-hng: iâm, liû-hông, hóe-thòaⁿ téng-téng sêng-hūn.[1][2] Chit-phō tù-chok ê chok-ka ū Chan Kong-liāng, Teng Tō͘ kap Iûⁿ Hoâi-tek téng ha̍k-chiá; kî-tiong, Chan Kong-liāng sī lán Bân-lâm Chìn-kang chhut-sin ê kho-ha̍k-ka; in-ê chok-phín éng-hióng tio̍h āu-lâi chōe-chōe Tiong-kok ê kun-sū chok-phín. Chit-phō chok-phín tī Sòng Jîn-chong chú-chhî hā chhut-pán, i iā sī chit-phō chheh ê kiōng-tông chok-ka.[3] Bú-keng Chóng-iàu ê lōe-iông chin chōe, ùi kun-lām kàu kok-chióng ê tâu-se̍k-ki lóng ū. Tû-liáu hóe-io̍h-á ê phòe-hng, koh ū chhin-chhiūⁿ hóe-io̍h, hóe-chìⁿ, jiân-sio-tôaⁿ kap chhiú-liû-tôaⁿ téng hóe-io̍h bú-khì. Chheh lāi-bīn iā kài-siāu tio̍h chá-kî ê lô-keⁿ.[4]
![Thumb image](http://upload.wikimedia.org/wikipedia/commons/thumb/9/99/%E6%A8%93%E8%88%B9.jpg/640px-%E6%A8%93%E8%88%B9.jpg)