Alfred Russel Wallace

Alfred Russel Wallace (1823 nî 1 goe̍h 8 ji̍t – 1913 nî 11 goe̍h 7 ji̍t) sī chi̍t ūi tī Eng-kok Ui-le̍k-sū chhut-sì ê seng-bu̍t-ha̍k-ka, thàm-hiám-ka kiam tē-lí-ha̍k-ka. Wallace siōng chhut-miâ ê sêng-chiū kap kòng-hiàn sī i to̍k-chū iōng chū-jiân soán-te̍k lâi kiàn-li̍p-khí ián-hoà ê lí-lūn; i tī chit hong-bīn ê lūn-bûn āu-lâi hām Charles Darwin ê tù-chok chò-hóe tī 1858 nî ê sî-chūn hoat-hêng būn-sè. Wallace ê ián-hoà lí-lūn mā chhiok-chìn Darwin lâi chìn-chi̍t-pō͘ thê-chhut Chéng ê Khí-goân. Tû-liáu tī ián-hoà lí-lūn hong-bīn ê kòng-hiàn, Wallace lēng-gōa koh ū chin kóng-hoat ê gián-kiù; i chêng-āu kiâⁿ-iû kòe Amazon phûn-tē kap Má-lâi Kûn-tó. I hoat-hiān tio̍h chāi-tē ê tōng-bu̍t kûn-thé hun-pò͘ ê hun-kài, che chiū sī hiān-sî só͘-kóng-ê Wallace Sòaⁿ.

Alfred Russel Wallace
1895 nî
Chhut-sì	1823 nî 1 goe̍h 8 ji̍t(1823-01-08) Ui-le̍k-sū
Koè-sin	1913 nî 11 goe̍h 7 ji̍t (90 hòe)  Eng-kek-lân Dorset
Kok-che̍k	Tāi Eng Té-kok
Chit-gia̍p	thàm-hiám-ka, seng-bu̍t-ha̍k-ka
Tù-miâ	Chū-jiân soán-te̍k Seng-bu̍t tē-lí-ha̍k Wallace Sòaⁿ Wallace èng-hāu