![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2a/Oyster-Vermicelli.jpg/640px-Oyster-Vermicelli.jpg&w=640&q=50)
Ô-á mī-sòaⁿ
From Wikipedia, the free encyclopedia
Ô-á mī-sòaⁿ (蚵仔麵線) sī 1-chióng tē-hng kháu-bī, liû-hêng tī Hok-kiàn ê Chiang-chiu, Chôan-chiu, Ē-mn̂g kah Tâi-ôan. Ô-á mī-sòaⁿ sǹg-sī Bân-Tâi kháu-bī ê chia̍h-mi̍h, Bân-lâm só·-chāi mā ū lâng kā kiò-chò mī-sòaⁿ-kô·.
![Thumb image](http://upload.wikimedia.org/wikipedia/commons/thumb/2/2a/Oyster-Vermicelli.jpg/320px-Oyster-Vermicelli.jpg)
Chú ô-á mī-sòaⁿ ū 2-chióng hong-hoat. Khah phó·-phiàn ê chò-hoat sī kā chhiⁿ ô-á hām mī-sòaⁿ lo̍h tiáⁿ khì chú thng. Chú ê sî-chūn ài khiàn-phang, sòa kî-thaⁿ ê tiâu-bī-sò·, mā ē-sái ke 1-kóa-á pa̍t-mi̍h liāu, pí-lūn-kóng tōa-tn̂g a̍h-sī ti-hoeh. Lēng-gōa, Tī Tâi-lâm, Ô-á mī-sòaⁿ sī án-ne lâi chú--ê, seng kā chhiⁿ-ô-á sa̍h kòe liáu-āu, hô·--khì-lâi, chiah-koh hām môa-iû mī-sòaⁿ lām-lām lo̍h-khí kiáu kah lā, thiaⁿ-kóng bī-sò· ôan-ná sī chin chán, chia̍h-tio̍h ē khui-pî, hō· lâng lú chia̍h lú sòa-chhùi.