香港蔴雀係蔴雀嘅其中一種玩法，雖然同廣東蔴雀差唔多，但番種少好多，實際上係屬於較傳統嘅「清章」（一說「舊章」）打法，有別於新章嘅廣東蔴雀。
香港蔴雀常用番種
遊戲規則，最快集齊「四組一對」就勝出（十三么係唯一唔同嘅番種）。「四組一對」即集齊「順子」同／或「刻子」共四組，加「眼」一對。
根據自訂規則，通常打三番起胡，最大打八番或十番為上限（網絡遊戲較常見最大打十三番）。
以下係香港蔴雀常用番種，如果有打花牌就唔計門前清依個番種。
一番
- 無花：沒有任何花牌。
- 正花：花牌號數跟坐位吻合。花牌上嘅號碼1等於東，2等於南，3等於西，4等於北。如果坐嘅位置同摸返黎嘅一樣有一番。
- 門前清[1]：沒有上、碰、槓[2]過牌。
- 平胡：只有順子，沒有刻子嘅糊牌。眼可以係番子。[3]
- 自摸：食糊牌由自己摸返嚟。
- 番牌：有以下番子嘅刻子：紅中、發財、白板；
- 風牌：門風、圈風。門風圈風重疊時計兩番。
- 搶槓：人哋開槓嘅牌正好係自己食糊嘅牌。可以搶加槓[4]。唔可以搶暗槓（只有十三么可以搶暗槓）。
兩番
三番
- 花胡：集齊七隻花牌，當三番自摸。詳見花糊牌規。
- 對對胡：只有刻子嘅糊牌。
- 混一色：只有一種花式（筒、索或萬）跟番子嘅糊牌。
四番
例：
五番
- 小三元[9]：以中、發、白組成兩個刻子、一對眼嘅糊牌。唔再計三元牌。
例：
六番
- 小四喜[10]：以東南西北組成三個刻子、一對眼嘅糊牌。另計混一色、混一色加對對糊或字一色，但唔再計門風或圈風，最少有九番。
例：
七番
- 清一色[11]：只有一種花式（筒、索或萬），冇番子嘅糊牌。
例：
八番（例牌）
- 大三元[12]：集齊中、發、白三個刻子嘅糊牌。唔再計三元牌。
例：
例：
十番（例牌）
- 字一色[17]：又叫全字糊。只有番子嘅糊牌。另計番牌，但唔再計對對糊。
例：
- 清么九[18]：又叫清么、么九、清老頭。只有一，九嘅糊牌，唔再計對對糊。
例：
十三番（例牌 - 上限番數）
- 天胡：莊家一開牌就食糊（可以食雞糊，補花後可以食，暗槓後唔食得[19]）。
- 地胡：食莊家打嘅第一隻牌（可以食雞糊，任何一家補花後都可以食，但莊家開槓後唔食得）。
- 十三么[20]：以門清集齊十三種么牌（一九筒、一九索、一九萬、東南西北中發白）各一張，再加其中一張做眼。唯一可以搶暗槓嘅番種。
例：
- 大四喜[21]：以東南西北組成四個刻子嘅糊牌。但唔再計對對糊。
例：
其他非常用番種
根據唔同自訂規例可以有呢啲較少人用嘅番種：
- 冚手胡：類似日本牌嘅「雙立直」，即係叫糊後門清，計兩番。
- 混么九：拎到一、九四副刻子同一對番子將眼。計九番。
- 人胡：喺第一輪因有人出銃而食糊。計三番或例牌。
- 鐘鼓齊鳴：又叫「槓爆」，海底撈月兼槓上開花。計三番或例牌自摸。
- 坎坎胡[24]：又叫簡簡糊、刻刻糊、四暗刻。冇碰、槓過嘅對對糊。唔可以開暗槓[25]。要門清集齊四個刻子。自摸先可以食糊[26]。
- 九子連環[27]：又叫九蓮寶燈。門清集齊同花式 1112345678999 另加任何一隻同花式牌食糊。自摸集齊牌型就可以食[28]，食出銃必定要叫九飛。計十番。
例：
包牌規則
根據傳統，如果打半銃制：任何糊牌嘅九章落地包出銃、十二章落地包自摸。
以下係打全銃制，通常嘅包牌罰則：[29]
- 清一色落地：十二章落地（最後一家打出讓玩家上/碰/槓第四次）要包自摸。如果唔係食出清一色就唔使包。
- 清么九落地：十二章一、九牌落地包自摸，如果唔係食出清么九就唔使包。
- 字一色落地：十二章番子牌落地包自摸，如果唔係食出字一色就唔使包。
- 大三元落地：中發白落地包自摸[30]，或根據唔同自訂規例，亦需要包出銃者一半分數。
- 大四喜落地：東南西北落地包自摸，或根據唔同自訂規例，亦需要包出銃者一半分數。
- 十八羅漢落地：四槓落地包自摸，或根據唔同自訂規例，亦需要包出銃者一半分數。
詐糊罰則
詐糊嘅定義係：打開曬十四隻牌但係食唔到糊[31]。例如唔係一副食到糊嘅牌型，或者食唔夠起糊番數（通常係三番）。
根據慣例，因為你阻住牌局進行，同埋大家做大牌嘅機會，所以食詐糊係要賠自摸最大番數。
花糊牌規
- 通常情況下，花糊計三番自摸，大花糊計四番、八番或例牌自摸。
- 可選擇唔食。補咗花後就唔可以食。（閒家一開牌七隻花以上除外，見下文。）
- 根據唔同自訂規例：海底撈月，明槓/暗槓/加槓嘅槓上自摸花糊計加多一番自摸，明槓出槓者包。
- 根據唔同自訂規例：槓上槓自摸花糊會當六至八番或例牌自摸，如果第一槓係明槓就由出槓者包。
- 根據唔同自訂規例：小相公可以食，大相公唔食得。
- 根據唔同自訂規例：莊家一開牌七隻花以上當天糊，如果一開牌唔夠七隻花但經過數次補花後集齊七隻花亦可當天糊（暗槓後唔算）。
- 閒家一開牌七隻花以上，要補花及等到自己第一次摸牌嘅機會才可以食花糊。唔計地糊。自己曾經上碰過或過了自己第一個摸牌嘅機會之後就唔可以食。
分數計算
通常以閒家3番4個籌碼（全銃制係出銃者16個籌碼）為基礎，一百個籌碼為一底嚟計算金錢嘅輸贏。[32]
傳統蔴雀以4番為滿糊，之後通常以半辣上，每兩番至跳一倍。
| 番數 | 出銃 | 自摸 |
|---|---|---|
| （0番） | 1 | （自摸最少一番） |
| （1番） | 2 | 3-1 |
| （2番） | 4 | 6-2 |
| 3番 | 8 | 12-4 |
| 4番 | 16 | 24-8 |
| 5番 | 24 | 36-12 |
| 6番 | 32 | 48-16 |
| 7番 | 48 | 72-24 |
| 8番 | 64 | 96-32 |
| 9番 | 96 | 144-48 |
| 10番 | 128 | 192-64 |
| （11番） | 192 | 288-96 |
| （12番） | 256 | 384-128 |
| （13番） | 384 | 576-192 |
註
參見
外部連結
一番
兩番
三番
四番
五番
六番
七番
八番（例牌）
十番（例牌）
十三番（例牌 - 上限番數）
其他非常用番種
包牌規則
詐糊罰則
花糊牌規
分數計算
註
參見
外部連結
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
