Terneuzen (gemeênte)
From Wikipedia, the free encyclopedia
Terneuzen, ok wè Neuzen, (Nederlands: Terneuzen) is de groôtste gemeênte van Zeêland, genoemd nae de stad Terneuzen, de oôfdplekke van de gemeênte. De gemeênte Terneuzen telde in 2023 ongeveêr 55.000 inweuners. Nessens de stad, daerin ongeveêr d'n elt van alle inweuners weunt, bin d'r nog dertien aore kernen en 'n antal buurschappen die-an nie as kern erkend bin. As kern ore erkend: Aksel (Axel), Biervliet, Filepine (Philippine), Koewacht, d'n Noek (Hoek), D'n Overslag (Overslag), Sas (Sas van Gent), Sluuskille (Sluiskil), Spui, Zuudurpe (Zuiddorpe), Wesdurpe (Westdorpe), De Zandstraote (Zandstraat) en Zaomslag (Zaamslag).
| ||||
Indeling | ||||
Land | Nederland | |||
Provincie | Zeêland | |||
Waeterschap | Scheldestroômen | |||
Streêk(en) | Zeêuws-Vlaonderen Land van Aksel | |||
Oôdplekke | Terneuzen (plekke) | |||
Statistiek | ||||
Oppervlakte | 317,76 km² | |||
- land |
250,13 km² | |||
- waeter |
67,63 km² | |||
Inweuners | 54.993 | |||
Daotum | 1 jannewari 2023 | |||
Bevolkiengsdichteid | 220 inw./km² (land) | |||
Geografische liggieng | 51°18’ N 3°50’ L | |||
Hoôgte | 0,1 — 2,3 m | |||
Ontstaen | ||||
Belangrieke verkeersaders | N61, N62, N252, N258, N290 | |||
Netnummer | 0115 | |||
Postcodes | 4521-4576 | |||
Bestuur | ||||
Collegepartijen | TOP/GB, CDA, VVD, PvdA-GL | |||
- zeêtels | 19 | |||
Burhemeêster | Erik van Merrienboer | |||
- partij | PvdA | |||
Overige | ||||
Bienaem | ||||
Streektaele(n) | Oôst-Vlaoms Zeêuws-Vlaoms (Land-van-Aksels) | |||
Steêband | / | |||
Gemeêntelike website | www.terneuzen.nl |
De gemeênte Terneuzen zoô-an me die noe kenne is ontstae in 2003, bie de saemevoegienge van de ouwe gemeêntes Aksel, Sas en Terneuzen. Dae was vee verzet tege van de lokaole bevolkienge mae deêze oplossienge was al 'n compromis, om-a de regerienge eên gemeênte Zeêuws-Vlaonderen wou. De gemeênte Neuzen beslaet ongeveêr 't gebied van 't ouwe Land van Aksel. De gemeênte eit 'n landelik karakter, al is t'r in Terneuzen-stad en in Sas wè wat industrie. 't Kenael van Gent nae Terneuzen loôpt d'r glad deurene. De zuudelike ingang van de Westerscheldetunnel ligt an de westkant van Terneuzen-stad.
In de meêste durpen praote ze 't Land-van-Aksels, 'n Zeêuws/West-Vlaoms dialect, maer in 'n paer durpen oort Oôst-Vlaoms gebruukt.
Om goed overleg meej burgers mòògeluk te maoke is de gemeênte onderverdeeld in 25 kerne en wijke. In den meeste van deze wijke bestaot een stads-, dorps- of wijkraod. Zo'n bewòònersvertegenwoordigieng klopt met wense en opmerkienge over de leefbaor'eid in den wijk aon bij de wijkbestuurder, de wijkkoördinator en/of de vorman.
De gemeênte Terneuzen grens an de Belse gemeênten Assenede, Zelzaote, Wachtebeke, Moerbeke en Stekene in Oôst-Vlaonderen.